Presidenti Ilir Meta ishte sot në Pezë, ku dha edhe disa mesazhe të forta politike.
Meta mori pjesë në sot, në kujtim të 78 vjetorit të Konferencës së Pezës.
‘Pezë do të thotë Shqipëria mbi të gjitha!”, – tha Meta.
“Pezë do të thotë bashkim, kushtrim dhe qëndresë, pa dallim feje, krahine dhe ideje në mbrojtje të interesit kombëtar”, shtoi më tej Presidenti i Republikës.
“Mesazhet që përcjell edhe sot, pas 78 vitesh, Konferenca e Pezës janë më aktuale se kurrë për të lënë mënjanë ndasitë e interesat afatshkurtra, dhe për t’u bashkuar kundër një pushtimi të ri nga një sekt e një bandë oligarkësh që kanë uzurpuar institucionet dhe kanë marrë peng të ardhmen e çdo shqiptari dhe atë europiane të vendit tonë”.
“Peza është një amanet: Besa-besë për të shpëtuar Shqipërinë!”
Dita Ndërkombëtare e Demokracisë dhe “Poema jonë Migjeniane e varfërisë”…
DEMOKRACIA është sistemi i shanseve te barabarta, sistemi i zbutjes së dallimeve shoqërore, sistemi ku ekzistenca e sigurisë së jetës, e strehimit, e punësimit, e shkollimit, e përkujdesit shëndetsor, i drejtësisë për të gjithë janë të garantuara….
A është DEMOKRATIKsistemi ynë??….LEXOJENI sy dhe veshë hapur ju “Rollinghillasat dhe Gjirëlalistat” tanë, ju autorët Pusht-Shtetarë të DEMON-KRACISË “Made in Albania”….
JENI JU dhe sëra e juaj që i rikthyet ditët Migjeniane të “Legjendës së Misrit” dhe të “Poemës së Mjerimit”, sepse për fatin tonë të zi “KOHA ËSHTË E MASKARENJVE” (A.A.)….
E përjetuar SOT në vetë të parë….Dëshiroja të bleja bukë këtë pasdite në një Punishte prodhuese të produkteve të brumrave ngjitur me Spitalin Gjerman te Rruga e Kavajës.
Para meje një zonjë që pasi bleu një llallë 50 lekëshe i tha shitëses: “Të lutem më jep një panine 10 lekëshe, që ta ha së bashku me llallën.
PO BËRA më vonë një tjetër 50 leksh do të vi të blej një bukë për në shtëpi.”….
MU bë një lëmsh në grykë dhe sytë mu mbushën me lot…I thashë shitëses që t’i ofrojë zonjës dy bukë e ndonjë gjë tjetër të nevojëshme, që tua shpjerë fëmijëve të saj, sepse e paguaj unë së bashku me bukën time….
Zonja dëgjoji fjalët e mia dhe syhapur u kthye e më tha se: “A je i sigurtë që do t’i paguash?”….”Është më e pakta gjë që mundet të bëj për ju në këto çaste” – iu përgjigja unë…
Fjalët e saj të mirënjohjes dhe sytë e saj plot lot, KURRË nuk do t’i haroj sa të frymoj në këtë botë jarane….JU “FUKARENJTË tanë” që banoni në vila disakatëshe, disa edhe me dhjetë banjo kudo në këtë TOKË të bekuar nga PERËNDIJA, por të MALLKUAR nga sëra e juaj plangprishëse dhe e pangopur, U KAM LËNË PERËNDINË të marë hak për këta të mjerë, që NUKU NGOPIN DOT BARKUN me bukë në ndërkohë kur ju, zonjat tuaja e barkëgicat fëmijët tuaj notoni mes lluksit e vanitetit….JU “ish brekëgrisur të para 1990” dhe sot “PASHALLARË të kuq, blu, rozë apo pink”, të asaj që quhet SHQIPËRI e andej dhe e këndej Drinit, JU RIKUJTOJ se do të vijë shpejt një ditë që populli do zgjohet dhe do ngrihet…..NUKU do të ketë vrimë ku do mundeni të fshiheni….
Vërtet që ”KOHA ËSHTË E MASKARENJVE, POR ATDHEU I SHQIPTARËVE” (A.A.)….Quo vadis Shqipëria ime Natyrale e 28.11.1912!!!
Deputetja socialiste e Elbasanit, Evis Kushi, e propozuar nga Kryeministri Edi Rama si ministre Arsimi, në vend të Besa Shahinit, reagon lidhur me mesazhet e marra.
Ajo publikon një fotografi nga momenti i diplomimit të doktoraturës, pas shkrimeve dhe akuzave se doktoratura e saj është plagjaturë, siç pretendoi studiuesi Vladimir Kola.
Kushi thotë se është diplomuar në Staffordshire University në Britaninë e Madhe, pas pesë vitesh studime e vajtje ardhje mes Elbasanit dhe Stoke-on-Trent.
“Mendova se provimet për mua mbaruan. Por paskam qenë aq gabim sa s’ka! Ky i tanishmi është një provim aq i vështirë sa nuk gjej fjalë ta shpreh! Uroj që të kem ndihmën tuaj dhe të kolegëve të mi të shumtë në botën universitare për t’ia dalë faqebardhë. Do bëj gjithçka mundem që të nderoj Elbasanin tim, Partinë Socialiste dhe kryeministrin tonë dhe që kur të kthehem një ditë në auditor të kem respektin e të gjithë kolegëve të mi për atë që do të jem si drejtuese e arsimit”, shkruan Kushi.
Mesazhi i plotë i ministres së propozuar
Të dashur miq,
Ju falenderoj pamasë për mesazhet tuaja inkurajuese në këtë moment kaq sfidues për mua! Më keni gëzuar, por nuk më keni lehtësuar! Përkundrazi, mesazhet tuaja më bëjnë të ndjehem edhe më e ngarkuar se sa dje kur kryeministri më shprehu vendimin e tij, me barrën e kësaj përgjegjësie të jashtëzakonshme. Kur mora doktoraturën në Staffordshire University në Britaninë e Madhe, pas pesë vitesh studime e vajtje ardhje mes Elbasanit dhe Stoke-on-Trent mendova se provimet për mua mbaruan. Por paskam qenë aq gabim sa s’ka! Ky i tanishmi është një provim aq i vështirë sa nuk gjej fjalë ta shpreh! Uroj që të kem ndihmën tuaj dhe të kolegëve të mi të shumtë në botën universitare për t’ia dalë faqebardhë. Do bëj gjithçka mundem që të nderoj Elbasanin tim, Partinë Socialiste dhe kryeministrin tonë dhe që kur të kthehem një ditë në auditor të kem respektin e të gjithë kolegëve të mi për atë që do të jem si drejtuese e arsimit. Një pedagoge dhe qytetare në shërbim të përulur ndaj komunitetit të madh të dijedhënësve.
Faleminderit shumë edhe njëherë të gjithëve! /noa.al
Rama dhe “opozita parlamentare” tani kanë dalë lakuriq, përpara shqiptarëve dhe ndërkombëtarëve. Qëllimi është eliminimi i koalicioneve…
Nga Elmaz Sherifi
Dje, kur në Këshillin Politik kishte debate, se si do të pasqyrohen në Kodin Zgjedhor angazhimet e pranuara në marrëveshjen e bërë në selinë e ambasadores Kim, dhe të përshëndetura nga Sekretari Amerikan i Shtetit, Pompeo, Rudina Hajdari, doli nga mbledhja dhe si zëdhënëse e Ramës, i bëri të ditur opinionit se “opozita parlamentare” kishte hequr dorë nga “listat e hapura” dhe se kishin gjetur edhe formulën e kërkuar nga Rama për “balancen gjinore”.
Ajo deklaroi “ne propozuam që populli le të votojë kë të dojë, deputetë do të bëhet ajo që do partia, Rama” !
Pra, sipas “opozitës parlamentare”, ato femra, që nuk i voton zgjedhësi, i bën deputete partia.
A e kuptuat tani lojën e Ramës dhe “opozitës parlamentare”. Gjithçka po kurdiset vetëm e vetëm që të mos zbatohet marrëveshja e firmosur te selia e ambasadores Kim.
Rama dhe “opozita parlamentare” tani kanë dalë lakuriq, përpara shqiptarëve dhe ndërkombëtarëve.
Qëllimi është eliminimi i koalicioneve parazgjedhore.
Me që Rama dhe opozita parlamentare janë kaq të dashuruar me “balancën gjinore”, po ua jap unë formulën. Le të vendosë në listën e tyre zgjedhore 100 % femra.
Të gjithë e kuptojnë se Rama vazhdon të bëjë gallatë me shqiptarët dhe pozita parlamentare është bisht i Ramës.
Tani në provë është autoriteti i sekretarit Amerikan të Shtetit, Pompeo !
Kryeministri Edi Rama ndodhet sot në Athinë në një vizitë zyrtare, ku gjatë saj do të takohet në darkë pune me homologun Kyriakos Mitsotakis.
Siç raportojnë mediat greke, gjatë darkës do të diskutohen çështje të mbetura pezull mes dy vendeve, si dhe pritet të diskutohen dhe hidhen bazat për marrëveshjen e detit.
Ndërkohë gjatë ditës së nesërme, kreu i qeverisë shqiptare do të jetë pjesë e forumit të “Economist” për zgjerimin e Ballkanit Perëndimor, me tematikë reformat, investimet, ekonomia, në një kohë që Shqipëria ka presidencën e OSBE.
Rama udhëton drejt Greqisë, pak pasi në fundjavë ishte në Turqi, ku u takua me Presidentin turk Recep Tayip Erdogan , në rezidencën e këtij të fundit në Marmaris. /noa.al
Kryetarja e LSI, Monika Kryemadhi tha sonte se ajo nuk aspiron për kryeministre të vendit pas zgjedhjeve të 25 prillit 2021. Ajo thotë se është Basha ai që do marrë këtë post vitin e ardhshëm, pasi opozita është e bindur se do të fitojë zgjedhjet.
“Lulzim Basha është kandidati i opozitës së bashkuar për kryeministër. Ai është kryetari i opozitës, ai do jetë kryeministër,” tha zonja Kryemadhi.
Ajo i quajti thashetheme rrugësh lajmet se Ilir Meta do të lërë presidencën dhe do të marrë postin e kryeministrit.
Por ajo nuk e rrëzoi mundësinë që Ilir Meta të marrë postin e ministrit të Brendshëm.
“Po e pati qejf Ilir Meta…,” tha ajo, duke shtuar se kjo është çështje e marrëveshjeve politike.
Kryemadhi foli për doza dashurie mes Bashës dhe Metës, ndërsa tha se më të mirë se Basha nuk ka.
Sipas saj, sondazhet tregojnë se opozita fiton mbi 100 deputetë në këto zgjedhje.
Ministrja e Arsimit Besa Shahini, duke folur për largimin e saj nga detyra, ka thënë dhe se shumicën e kohës është ndjerë e paragjykuar me fyerje raciste.
Sipas saj, ish-deputetë dhe eksponentë të tjera brenda PD-së e kanë ofenduar dhe sulmuar duke marrë për bazë dialektin e saj.
Shahini e prekur ka thënë se kjo është diçka antishqiptare dhe se PD ka humbur pikë pasi ka elektorat të madh në veri të Shqipërisë, ku flitet në dialekt.
Gjithashtu, Besa Shahini ka thënë se në bindjet ideologjike ajo është më e majtë se Rama dhe PS. Sipas saj PS shqiptare nuk është një e majtë e vjetër dhe popuiste, por është më centriste se do të donte ajo.
“Më kanë ofenduar ish-deputetë të PD. Dhe eksponentë të tjerë, analistë që bëjnë pjesë në PD. LSI më pak. Ata kanë shfrytëzuar një element të gabuar. Kanë ofenduar gjithë veriun e Shqipërisë jo vetëm Kosovën. Është antishqiptare. Kanë fyer dhe shumë votues të tyre. Ka qenë një keqkalkulikim duke bërë sulme për tema që nuk duheshin ngritur. Është ok të kritikohet puna, por jo ok të kritikohet personi dhe dialekti. Unë jam paragjykuar shumë. Nuk mund të thuash që prej dialektit do të thotë që s’di. Pse je nga Kosova nuk mund të marrësh vendime të rëndësishme në Arsim”.
Duket se rikthimi i nxënësve në bankat e shkollës ka bërë nostalgjikë ata që kanë kohë që e kanë mbaruar. E si pasojë i janë rikthyer fotografive, duke kujtuar vitet më të bukura.
Ditën e sotme, rrjetet sociale janë mbushur me fotografi të fëmijëve dhe kujtime të të rriturve nga kohët e shkuara. Një nga personat që është bërë nostalgjik sot është edhe Bes Kallaku. Aktori i njohur i humorit ka postuar në “Instagram” një foto shumë të veçantë nga klasa e parë, në të cilën ai shihet përkrah miqve të asaj kohe.
Kallaku ka treguar se fotografia është shkrepur në Fushë Krujë dhe të gjithëve ju ka tërhequr vëmendjen imazhi çamarrok i Besit.
