Ministrja e Shëndetësisë, Ogerta Manastirliu bëri thirrje që të gjithë të mbajnë maska.
Një ditë pas vendimit të qeverisë, me anë të një postimi në ‘Facebook’ Manastirliu shkruan se me mbajtjen e maskës, ruajtjen e distancës si dhe kujdesin e higjenës ulet me 60% rreziku i prekjes nga COVID-19.
“Masat anti COVID. Të kontribuojmë të gjithë për të fituar betejën më të rëndësishme, betejën për shëndetin”.
“Vendose maskën ose barrierën mbrojtëse prej tekstili kudo, në çdo ambient jashtë shtëpisë! Pa harruar të ruash distancën dhe kujdesin për higjienën. Me zbatimin e këtyre rregullave ulet me mbi 60% rreziku i prekjes nga COVID19″ – tha në mesazhin e saj ministrja Manastirliu.
Kryeministri Edi Rama së bashku me ministren e Shëndetësisë Ogerta Manasterliu e bënë të detyrueshme dje mbajtjen e maskës për të gjithë, në çdo ambient, edhe në rrugë.
Para një asambleje të maskuar, foli poeti Edi Rama. Themi poeti sepse ai na rrëfeu për “Shqipërinë ç’ka qenë, ç’është e ç’do të bëhet” e uruara! Një prozë poetike kjo kësaj here. Kryeministri kishte ikur në drejtim të paditur! Ai që foli në vendin e tij, duke aktruar një hartim rilindës, na tha që jemi qorra dysysh që nuk e shohim sa mirë e qeverisi vendin këto tetë vjet!
Si e nxori nga gremina drejt e në selamet! Fliste pa u lodhur, gjatë qamet, gjatë për të na mbushur mendjen sa janë lodhur e sa kanë hequr për të bërë shtet! Shqipëria që na prezantonte, nuk ishte ajo që njohim dhe na duket e poshtëruar! Ajo, nëpër të cilën ecim dhe shohim sesi varfëria është fytyra e saj pa buzëqeshje!
Ajo, në të cilën brengosemi e rënkojmë nga demagogjia e gënjeshtrat, nga korrupsioni e banaliteti, nga krimi e zuzarët me kollare a zinxhir ari në qafë! Ajo ku vidhen zgjedhjet dhe zhvillohen të tilla po opozitën! Ajo që shërbëtorin surratqerep e bën deputet e ministër, ndërsa të ndershmin e dëbon në skutat e anonimitetit e fukarallëkut! Ajo që shpenzon 20 milionë euro për të ndërtuar një km rrugë!
Ajo që shpërndan paranë publike për klientët e pushtetit, ajo që pushtetin e kthen në piramidë, majë së cilës rri një sundimtar! Ajo që ka mbetur te portat e Europës me rrogat më të ulëta, me azilantët më të shumtë, pa standarde demokratike, një vend që pas 30 vjetësh pluralizëm prish rregullat e farës elektorale dhe si e tillë nuk integrohet kurrë!
Ajo që mbjell kanabis e jo grurë, që lëvron paranë e zezë për të mbajtur pushtetin e bardhë. Nuk foli as për atë ë premtimet i shndërron në gënjeshtra dhe gënjeshtrat në hile, ndërsa hilet në rregulla, as për atë që nuk rrit as rroga e as për ata që jetojnë me rroga e sidomos për ata që s’kanë fare të tilla. Këtë Shqipëri, “poeti” e zhduku nga subjekti i epopesë së tij! Madje, edhe për “Rrugën e Kombit”, për NATO-n e të tjera sikur meritën ia la vetes. Duartrokiste asambleja me zjarr e zulme megjithëse dukej më e vërtetë se kurrë, pa fytyra e pa emra, e gjitha anonime me maskë, gjynah që s’kishin mbuluar edhe pjesën e sipërme dhe asisoj do t’i përgjigjeshin më mirë statusit të tyre publik si persona pa fytyrë, pa emër, pa identitet, persona që nuk paguhen për të menduar, por për t’u bindur e duartrokitur.
Kur flitej për aeroportin e Vlorës dhe Kukësit, për rrugët dhe veprat HD, me të cilat na kënaqi shpirtin dhe harenë duke ua prerë shiritin! Ne i dinim të kryera, por jo, do bëhen gjatë mandatit të tretë, mandatit të vrapimit! Njerëzit do të ikin, tha poeti, shumë madje, po ani s’ka gjë, ju më votoni mua se unë jam marifeti, jam lezeti, jam shpëtimi dhe gëzimi. Duartrokiste asambleja! E për çfarë ndezulloheshin evletërit? Po dëgjonin të bashkuar në një të gjitha premtimet e vitit 2013 e 2017! Guximi për të gënjyer për tetë vitet që lanë pas e më shumë ai për të premtuar që të gjitha ato që s’i bënë në 8 vjet, do t’i bëjnë në mandatin e tretë, ishte karakteristika e poezisë politike të Edi Ramës dje!
Konkluzioni më i madh ishte sa keq ka qeverisur opozita këto 8 vite, ndaj ta lëmë prapë në opozitë. Duartrokiste asambleja, duart me pulla i bënte! Një detaj ra në sy: gara e Ditmir Bushatit me Elisa Spiropalin se kush do ta shihte më ëmbël, me përdëllyeshëm, më me dashuri liderin, duke shprehur fuqinë e shikimit, meqenëse gjestikulacionin e mbulonte maska! U përpoq Ditmiri i gjorë! Pat nga ata që menduan se do t’i hidhej te këmbët duke i thënë me qarje e vikama aq sa me ju këputë shpirti të madhit e të voglit: “Falmë, o atë, falmë, më duaj edhe një herë se ne u përmbystë bota nuk të zhgënjej!”. Po nuk e bëri, nuk gjeti fuqi, mbase kur të mblidhet asambleja prapë! Në fund, garën e fitoi Elisa, Genti dhe Ahmetaj! Këto ishin tharmet e sharmet e atij takimi epik nga ku u mor hovi për ta bërë Shqipërinë Zonjë, për të dërrmuar opozitën që kaq keq qeverisi gjatë 8 viteve të nëmura e të mbushura me zezona! Edhe shenjti, edhe djalli, fshihen brenda tek i gjalli, shkruante dikur Hamit Beqja. Sot, djalli e kishte braktisur njeriun Edi Rama! Pamë vetëm shenjtorin, një tip Shën Françesku që lexonte “lulëzat” (i fioreti) veprën e jetës së tij politike! Vetëm Edi Rama me të vetët bëjnë të tilla magji apo sihre siç i thërret populli ynë poezidashës.
Fjalë të shumta kanë qarkulluar ditët e fundit nga brenda administratës, fjalë që thonë se lideri suprem i shqetësuar nga data e afrimit të zgjedhjeve u ka kërkuar kartat e identitetit të të afërmve për të siguruar sa më shumë vota për një mandat të tretë të shumë-ëndërruar.
Në lidhje me këtë gjë, ka folur edhe Kryemadhi në News 24, e cila rrëfeu se një mik i përbashkët i saj dhe i Ramës i kishte rrëfyer se këtë të fundit nuk e zë gjumi natën pasi është i shqetësuar.
“Kisha dëgjuar miqtë, që nuk është mirë, është nervoz, ka p anik, ka f rikë, nuk flet natën. Nuk e besoja, sepse mendoja që papërgjegjshmëria e tij është e madhe dhe se kupton, që po shkon drejt greminës. Por e pashë dje në Asamble dhe është shumë rëndë,”-u shpreh ajo.
Kryetarja e LSI, Monika Kryemadhi e ftuar në emisionin ‘’Kjo Javë’’ në News24 ka folur për vendimin më të fundit të kryeminsitrit Edi Rama për maskë të detyrueshme brenda dhe jashtë.
Kryemadhi ka thënë se me këtë vendim Rama do të bëjë presion tek qytetarët dhe të kuptojë se sa ata respektojnë dhe si reagojnë ndaj diktatit të tij.
Për më tepër ajo tha me humor se prej vitesh nuk ka asnjë kontratë uji e dritash në emër të saj, dhe nëse gjobitet për mosvendosjen e maskës, ajo i shkon ose bashkëshortit të saj Ilir Metës, ose nënës së saj.
“Unë s’kam asnjë kontratë uji, s’ka ku të më gjobisë dhe do gjobisë o Ilir Metën, o nënën time.
Kështu gjobiti Rama gjithë bizneset. Po ato bizneset do ia kthejë paratë, apo shkuan për konçesione.”- tha Kryemadhi.
Moderatori nga Kosova, Labinot Gashi ishte një nga të ftuarit e Luana Vjollcës në “Shiko Kush LUAN” në Top Channel, këtë të shtunë në puntatën e 3-të të sezonit të katërt. Gjithmonë detajist edhe këtë herë Labi nuk mund të mos tregohej xhentil gjatë emisionit.
Moderatori surprizoi autoren e programit Luana Vjollcën duke i dhuruar një buqetë të madhe me trëndafila të kuq. Por nuk harroi edhe të surprizonte edhe këngëtaren e spektaklit, Fifin.
Labi u shpreh se data e sotme daton me fillimin e karrierës së tij 20 vjeçare në televizion dhe nuk mund të vinte duarbosh në “Shiko Kush LUAN”, kështu që surprizoi edhe vajzat e ftuara në program; Eneda Tarifën; Arta Elezajn dhe Trejsi Sejdinin.
Ministrja e shtetit për marrëdhëniet me parlamentin, Elisa Spiropali reagon ndaj Presidentit Ilir Meta, i cili me rastin e 100-vjetorit të Luftës së Koplikut dekoroi dëshmorët e rënë.
Spiropali thotë se 100 vjet më parë ata luftuan dhe dhanë jetën për lirinë në Koplik të Malësisë së Madhe, duke u pagëzuar Dëshmorë të Kombit.
Më tej shigjeton Presidentin duke deklaruar se “100 vjet më pas Baba Xhikja shkon t’u japë dekorata nga një President i Republikës që flet për gjakun e tyre dhe rrëkëllen rakinë e marrëzisë, duke shqelmuar çdo etikë protokollare e duke përmbysur çdo sistem botëror medaljesh presidenciale”.
Më tej shton se parashikon që deri në 25 prill “Baba Xhikja do shpërndajë mijëra verdhushka për të blerë nderin e humbur në fundin e gotës së pushtetit të shkatërruar moral dhe institucional të kryetarit të shtetit”. /noa.al
Aktorja kosovare, Adriana Matoshi përveç karrierës së saj, ka treguar edhe momentin më të vështirë që ka kaluar në jetë.
Në vitin 2012 ajo tha se ka kaluar një ngjarje shumë të rëndë.
Aktores i është dashur të operohej menjëherë pasi u ekzaminua me tumor në kokë.
Gjëja më e frikshme, – rrëfen ajo, – ishte nëse do dilte gjallë nga ai operacion apo jo.
Adriana ka qenë e ftuar në emisionin “Rudina” në Tv Klan, teksa ka rrëfyer për publikun përjetimet e saj trishtuese dhe plot frikë.
Ajo ka treguar gjithashtu se nepër gjumë vajza e kishte pyetur nëse do të vdiste.
“Momenti më i vështirë ka qenë kur unë e kam patur vajzën në gji ditën, kur jam nisur në Tiranë nuk më lëshoheshe prej gjirit dhe nisi të qante”.
“Asaj ja ndjente zemra. Kaona ishte në gjumin më të mirë dhe më pyeti “mami a do vdesësh” nëpër gjumë. Këto gjëra më kanë mërzitur dhe më kanë tronditur. Por mjeku ma bëri më të lehtë. Kur vajta në dhomën e operimit ishte e vështirë sepse nuk e dija a do shpëtoja a jo”, – tha aktorja.
Adriana Matoshi ishte edhe një person tjetër që do operoheshe njësoj si unë.
I thashë nëse hyjmë të dy në këtë operacion ose do çohemi bashkë në këtë botë ose do çohemi bashkë në botën tjetër mos më lër vetëm.
“Pasi u zgjova e falenderova Zotin, pata dhimbje të tmerrshme por nuk ma ka ndjerë sepse e kam ditur që do i shikoja fëmijët e mi”.
“Gjatë shtatzënisë më ka humbur shikimi në njërin sy për shkak të sëmundjes. Unë nuk ja mbaja mend fytyrën vajzës së vogël dhe ajo ishte arsyeja e vetme që të merrja veten dhe të shkoja në shtëpi që t’ja shihja fytyrën”, – u shpreh aktorja Adriana Matoshi, në rrëfimin e saj prekës.
Pas deklaratave të kryeministrit Edi Rama ndaj Presidentin e Republikës për takimet e tij “në skuta me kriminelë”, dhe ironisë mbi dekoratat, ka reaguar sërish kreu i shtetit.
Kryeministri e akuzoi ditë më parë se Presidenti ka takuar persona të skeduar nga OFL, kurse Presidenti duke injoruar ironitë e tij të fundit mbi dekoratat, tha se është i gatshëm të përballet publikisht për këtë, duke i kërkuar kreut të qeverisë të caktojë orën dhe ditën.
“O shoku, ku e lamë debatin për OFL? Në cilën ditë, orë, studio dhe gazetarë? Malet tona më të larta!”- shkroi Meta në një tjetër reagim pak çaste më parë.
Ush-deputetja e LSI-së, Kejdi Mehmetaj iu përgjigj po ashtu kryeministrit, pas krahasimit të Monika Kryemadhit me Mbretëreshën Teuta, duke thënë se Rama e ka ndarë mendjen t’u shkaktojë humor shqiptarëve.
“Edi Rama e paska ndarë mendjen ti shkaktojë humor shqiptarëve sot e me kalimin e orëve duket se i shtohen edhe dozat e budallallëqeve që thotë, edhe pse tani nga fundi një gjë e qëlloi në shenjë” – tha Mehmetaj.
“Shumë mirë bëri që e përmendi Mbretëreshë Teutën, asaj nuk i bëri syri tërr nga Perandoria Romake, e jo më ti bëj Monikës tonë syri tërr nga profeti i kokoshkave Edi Rama. Përfundimisht është i mbaruar”- shkroi në reagimin e saj ish-deputetja.
