Shtyhen sërish masat kufizuese për shqiptarët, lidhur me kalimin e kufirit për në Greqi.
Në vendimin e fundit të qeverisë helene, bërë publike nga Ambasada Greke në Tiranë, pritej që të mos kishte lehtësime, lidhur me situatën aktuale epidemilogjike në të dyja dy vendet.
“Në bazë të të dhënave epidemiologjike, masat kufizuese që vlejnë sot për personat që udhëtojnë nga Shqipëria në drejtim të Greqisë, mbeten siç janë në fuqi, deri më datën 8 nëntor”, – thuhet në njoftimin zyrtar të Ambasadës greke në Tiranë.
Në pikat kufitare mund të kalojnë vetëm ata që janë shtetas grekë, ata që kanë leje qëndrimi në Greqi, punonjësit sezonalë dhe personeli diplomatik. Ndërsa ndalohen udhëtimet për qëllime turistike.
Në ditët e fundit Shqipëria ka rregjistruar shifra rekord të infektuerish. Po ashtu edhe Greqia, që madje ka ashpërsuar masat anti-Covid edhe për qytetarët e saj.
E njëjta masë, pritet të merret edhe nga vendet e tjera të BE-së, ndaj shqiptarëve për nëntorin. Vala e dytë që ka prekur Europës gjatë vjeshtës nuk shihet edhe aq premtuese për lëvizjen e lirë të shqiptarëve, për shkak se i tërë kontinenti po shënon shifra alarmante në ditët e fundit të tetorit.
Presidenti i Republikës Ilir Meta, në një konferencë për mediat dha edhe një mesazh për kryeministrin Edi Rama.
Kreu i shtetit tha se edhe Ramiz Alia, që kishte goxha pushtet, lejoi opozitën të zhvillojë zgjedhje.
Meta vlerësoi se është koha të mos biem në pozita kaq të rënduara, që dëmtojnë kredincialet demokratike të vendit, por edhe performancën e kryeministrit tonë si kryetar të radhës së OSBE-së”.
“Mos harrojmë se edhe Ramiz Alia, edhe pse kishte pushtet të madh, i dha mundësi opozitës që të marrë pjesë në zgjedhje, u soll në mënyrë shumë bashkëpunuese dhe demokratike.
“Është koha të mos biem në pozita kaq të rënduara, që dëmtojnë kredencialet demokratike të vendit, por edhe performancën e kryeministrit tonë si kryetar të radhës së OSBE-së”, tha Meta.
Presidenti Ilir Meta deklaroi se ka respektuar Kushtetutën në lidhje me dhënien e nënshtetësisë për futbollistin afrikan të Tiranës, Ëinnful Essua Joseph Cobbina, i cili ishte i kërkuar për një vrasje.
Ai theksoi se është njeri i ligjit dhe se të gjitha ato që ai i cilësoi përgojime, bëhen sipas tij për të shmangur vëmendjen nga përpjekjet për të shkatërruar zgjedhjet dhe keqmenaxhimi i pandemisë.
Kreu i shtetit u ndal dhe tek rasti i marrjes së nënshtetësisë për familjarët e heronjve të UCK.
“Meqë janë bërë disa përgojime absurde për të shmangur vëmendjen nga përpjekjet që bëhen për të shkatërruar zgjedhjet dhe menaxhimi mjaft i dobët nga ana e qeverisë dhe jo të mjekëve dhe infermierëve për pandeminë. I patë të gjitha statistikat, si të FMN, ku Shqipëria ka harxhuar më pak për fondin e mbështetjes për qytetarët, për biznesin, sipërmarrjet”.
“Për të shmangur vëmendjen nga shumë gjera të tjera, janë shpikur disa gënjeshtra të jashtëzakonshme. Jam njeri i ligjit dhe i shtetit. Kjo këtu është dosja e futbollistit të Tiranës, të cituar nga mediat pararoje të kryeministrit si terrorist”.
“Më pas ai u ekspozua si kryeministër i papërgjegjshëm. Këtu është dhe tek kjo dosje, dhe dokumenti i institucionet përkatës ku konfirmohet se nuk disponohet asnjë e dhënë që cënohet siguria kombëtare për futbollistin në fjalë. Të përfaqësosh një ekip kampion apo çdo skuadër, është interes kombëtar dhe publik. Kjo është sqaruar qartë dhe nga drejtuesit e Klubit që kanë bërë një kërkesë presidentit para ndeshjes me Zvicrën”.
Meta tha se “Presidenti ka respektuar Kushtetutën. Kalojmë tek tjetra, që merren 20 vite me Ylli Pangon. Këtu është konfirmimi nga institucioni përkatës i sigurisë për raste të tilla, ku dhe zonja ukrainase s’ka asnjë problem për sigurinë kombëtare. Ajo duhet ta kishte marrë prej 3 vitesh, se kishte 8 vite kërkesa. Kur i intereson qeverise ekziston procedura e posaçme. Ish-ministrja e Arsimit, në rast se nuk do të ishin ndjekur procedurat e posaçme, s’do kishte qenë as zv/ministre e ministre, do i duheshin 2 vite. S’dua të përmend raste të tjera. S’mund tua jap dokumentet, pasi janë sekret shtetëror. Gjithçka është bërë në respekt me kushtetutën dhe ligjin. Sa i takon shqetësimit të familjarëve të heronjve të UÇK-së per nenshtetesi, e kuptoj që për këlyshët e UDB ata terroristë quhen akoma. Por ata janë familjarë të heronjve dhe patriotëve dhe atdhetarëve.”, tha Meta.
Kryetari i PD, Lulzim Basha thotë se vala e dytë e pandemisë e gjen sërish kryeministrin Edi Rama të papërgatitur.
Gjatë bashkëbisedimit me gazetarët, Basha renditi 4 hapat që sipas tij janë të rëndësishme për të përballuar situatën.
“Edhe vala e dytë e gjen Edi Ramën të papërgatitur për të përballuar emergjencën. Prej 4 javësh kërkoj të ndërmerren 4 hapa të thjeshtë.
Minimumi 2500 testime në ditë.
Mbulimi i kostove të paketës së trajtimit të COVID, të merret përsipër nga shteti.
Mobilizimi total i sistemit, për t’u përballur me çdo nivel të trajtimit të të sëmurëve.
Bonusi 1000 € për mjek, 500 € për çdo infermier”.
Sipas Bashës janë humbur 4 javë kohë për shkak të papërgjegjshmërisë së qeverisë.
“Nëse paratë e taksave të shqiptarëve nga qeveria do të shkonin për të luftuar pandeminë dhe pasojat e pandemisë, atëherë rimburismi total i atyre që kurohen në shtëpi do të ishte një thërrime në krahasim me gostit që jep për koncesionet”, u shpreh Basha.
Në rubrikën “Ka një mesazh për ty” tek E Diela Shqiptare në Tv Klan ka ardhur një nënë e cila quhet Silvana dhe ka treguar një histori të dhimbshme që lidhet me vajzën e saj të vogël Elisa. Kur Elisa ishte 2 vjeç ajo shkoi për herë të parë në kopësht dhe pas dy javësh e ëma pa të nxirra në trupin e saj. Ajo dyshoi se edukatoret po ushtronin dhunë dhe po e keqtrajtonin, Elisa nuk dëshironte të shkonte, ulëriste dhe qante nëse ia përmendnin emrin kopësht. E ëma u detyrua që të ndërronte lagje dhe të pas 8 muajsh e dërgoi në një kopësht tjetër. Aty Elisa njohur edukatore Danjelën që ia ndryshoi jetën. Vajza e vogël filloi ta donte shumë dhe të lidhjej shumë shpirtërisht me të.
Ardit Gjebrea: Na trego pak për dashurinë që ka për mësuese Danjelën.
Silvana: Në fillim na ka bërë pak xhelozë, sidomos burrin tim sepse një kohë në shtëpinë tonë përmendjen vetëm emri Danjela asgjë tjetër. Krijova shumë besim tek ajo sepse ishte kryevepër, pa pikë interesi. Ajo merrte atë rrogë aty dhe nuk shikonte gjë tjetër. Punonte shumë me fëmijët, jo vetëm me Elisën por me të gjithë. Por Elisën sikur e veçoi më shumë dhe kur e pyesja, më thoshte asnjëherë të vetme Elisa nuk më ka shfaqur probleme, si Elisa t’i kisha të gjithë fëmijët. Ajo mëson, është e sjellshme, e rregullt të gjitha. Më thoshte nuk e di pse më pyet kaq shumë. Dhe kuptova që ka qenë faji i edukatoreve dhe jo Elisës.
Ardit Gjebrea: A ishte e vështirë për Elisën të kalonte nga kopshti në shkollë?
Silvana: Po por e ka përgatitur shumë mësuese Danjela. I ka thënë mësuesja ku do shkosh është shumë e mirë dhe unë e dua shumë. Ia ka thënë në prezencën time. I tha që ajo mësuese është njësoj si unë dhe Elisa e ka fiksuar këtë gjë dhe e ka marrë dhe mësuesen tjetër me shumë dashuri. Deri tani është shumë e mirë. /tvklan
Aktori i humorit Behar Mera është përlotur pasditen e sotme, pasi ka parë një video-mesazh nga dy persona, të cilët ai i quan mjaft të shtrenjtë, nipërit e tij.
I ftuar në rubrikën “N’fermë”, në “E diell”, gazetari Ervin Kurti i tregoi aktori një video-mesazh nga nipërit e tij, që i shprehnin dashurinë.
“Kam përgatitur diçka të vogël, në bashkëpunim me Ivën…”- i thotë gazetari dhe i jep tabletin aktorit që të shikojë videon.
Në video, të dy nipërit, dëgjohet të zihen me njëri-tjetrin.
“Është gjyshi i Amarti, jo është i Turit,”- thonë të vegjlit, me dëshirën e madhe për ta pasur secili gjyshin vetëm për vete.
“Zemrat e mia, shpirtrat e mi,”- thotë Behari mes emocionesh.
Kryeministri Edi Rama mori sot në mbrojtje pronarin e Report Tv dhe bashkëshorten e tij duke kritikuar Presidentin për sulme ndaj çiftit mediatik.
“Sulmi skandaloz i Ilir Metës mbi Alba Malltezin, bashkëshorten e Carlo Bollinos, është një tjetër zhytje e presidentit të republikës në bozën e vulgaritetit, brutalitetit, antishtetit!”, thotë Rama në një deklaratë që bëri publike pak më parë.
Ndërsa i drejtohet plot mllef Metës, kur shton: “Çfarë dreqin do akoma nga Shqipëria ky njeri që ka marrë më shumë se kushdo në historinë e saj!”.
Duke iu rikthye italianit Bolino dhe gruas së tij, Rama thotë se Meta nuk duhet dhe nuk mund të kërkojë llogari për paratë e tyre.
“I vetmi faj i Alba Malltezit dhe Carlo Bollinos është se i shërbejnë publikut me kurajon e me profesionalizmin e tyre dhe Ilir Meta është i fundit shqiptar në planet që mund t’i kërkojë hesap kujtdoqoftë, jo më Albës e Carlos, për si i sigurojnë të ardhurat e tyre! Çfarë katandie!” /noa.al/
Përditësim/ Reagon Presidenca
“O Buburrec Trendi, a janë anëtarë të “Rilindjes” z.Alfred Peza dhe z.Sadri Abazi?
A është z.Peza, Sekretar i PS për Mediat apo e ke shkarkuar?
A është z.Abazi deputet i PS apo e ke përjashtuar?
Nëse pyetjet dhe email e tyre ti i konsideron sulme dhe nëse të ka mbetur një fije morali: Shkarkoji urgjent nga detyrat që u ke ngarkuar dhe kërko falje publikisht!
Mos e mbaj Malavitën nën shantazh të dyfishtë!
Dhe as mos na ço më korrierët e tu, e di mirë ti se kush janë, për të na dhënë të tjera materiale demaskuese! Na mjaftojnë ato që kemi!
Rrit testimet për COVID-19 dhe jo PPP-të për oligarkët dhe veten tënde se po vdesin njerëzit rrugëve.
ILIR META është PRESIDENTI I POPULLIT🇦🇱 dhe jo i oligarkëve, banditëve dhe shqiptarofobëve.
Sosi uji i gamiles tënde o Mister 1 Prilli!
KTHEHU URGJENT TE 5 QERSHORI, NDRYSHE ORA E PËRBALLJES PO AFRON! 💪🇦🇱”
Nuk ka të ndalur lufta Meta-Rama, aq sa ka kaluar në plan të dytë polemikat mes mazhorancës dhe opozitës.
Edhe orët e fundit ka një mori përplasjesh mes palëve. Meta publikoi disa pyetje për afera korruptive që Alfred Peza i ka drejtuar Karlo Bolinos, pronar i Report Tv.
Njëkohësisht publikoi dhe një email të deputetit socialist Sadri Abazi që kërkonte të ndërhyhej për të punësuar pjesëtar të familjes së një gazetari të Report Tv.
Në këtë vorbull, Kryeministri Edi Rama mori sot në mbrojtje pronarin e Report Tv dhe bashkëshorten e tij duke kritikuar Presidentin për sulme ndaj çiftit mediatik.
“Sulmi skandaloz i Ilir Metës mbi Alba Malltezin, bashkëshorten e Carlo Bollinos, është një tjetër zhytje e presidentit të republikës në bozën e vulgaritetit, brutalitetit, antishtetit!”, thotë Rama në një deklaratë që bëri publike pak më parë.
Ndërsa i drejtohet plot mllef Metës, kur shton: “Çfarë dreqin do akoma nga Shqipëria ky njeri që ka marrë më shumë se kushdo në historinë e saj!”.
Duke iu rikthye italianit Bolino dhe gruas së tij, Rama thotë se Meta nuk duhet dhe nuk mund të kërkojë llogari për paratë e tyre.
“I vetmi faj i Alba Malltezit dhe Carlo Bollinos është se i shërbejnë publikut me kurajon e me profesionalizmin e tyre dhe Ilir Meta është i fundit shqiptar në planet që mund t’i kërkojë hesap kujtdoqoftë, jo më Albës e Carlos, për si i sigurojnë të ardhurat e tyre!”.
Pak pas Ramës, reagoi Presidenca duke e provokuar keqas Ramën: “O Buburrec Trendi, a janë anëtarë të “Rilindjes” z.Alfred Peza dhe z.Sadri Abazi?”.
Më tej Presidenca thekson: “A është z.Peza, Sekretar i PS për Mediat apo e ke shkarkuar? A është z.Abazi deputet i PS apo e ke përjashtuar?
Nëse pyetjet dhe email e tyre ti i konsideron sulme dhe nëse të ka mbetur një fije morali: Shkarkoji urgjent nga detyrat që u ke ngarkuar dhe kërko falje publikisht!”.
Meta bën edhe një zbulim. Ai thotë se Rama po i dërgon materiale diskretituar dhe shton: “Mos e mbaj Malavitën nën shantazh të dyfishtë! Dhe as mos na ço më korrierët e tu, e di mirë ti se kush janë, për të na dhënë të tjera materiale demaskuese! Na mjaftojnë ato që kemi!” /noa.al/
