Presidenti aktual i Shteteve të Bashkuara vijon me pretendimet për parregullsi në zgjedhje.
Së fundmi ai shkroi në Tuiter se votat e arritura pas zgjedhjeve nuk do të numërohen.
“Çdo votë që ka arritur pas ditës së zgjedhjeve nuk do të numërohet”, shkroi Trump.
Por rrjeti social Tuiter ia bllokoi duke e fshirë postimin e kreut të Shtëpisë së Bardhë.
Ndërkohë, ekipi i avokatëve të Donald Trump depozitoi në gjykatë një padi me anë të së cilës kërkon ndalimin e numërimit të votave me postë në shtetet e Michigan, Pensilvani dhe Georgia.
Ndërkaq, Xho Baiden është përpara Donald Trump në garën për President të Shteteve të Bashkuara në katër vitet e ardhshme. /noa.al/
Presidenti Ilir Meta dhe Kryeministri Edi Rama kanë reaguar pas konfirmimit nga Gjykata Speciale të aktakuzës ndaj Hashim Thaçit për krime lufte.
Reagimi e metës dhe Ramës erdhi pak momente, pasi Thaçi deklaroi dorëheqjen.
Rama: Gjyqi absurd, Thaçi ka gjithë mbështetjen e solidaritetin e Shqipërisë
Rama shkruan në Twitter, se Thaçi ka të gjithë mbështetjen e Shqipërisë në këtë betejë.
“Hashim Thaçi ka gjithë mbështetjen e solidaritetin e Shqipërisë në këtë betejë të radhës për Kosovën dhe për drejtësinë e pacenueshme të Luftës Çlirimtare! Procesi absurd ndaj tij do të vulosë përfundimisht pastërtinë e UÇK-së dhe pamundësinë për ta rishkruar historinë e saj”, – shkroi Rama në Twitter.
Meta: Lufta e UÇK-së heroike, velrësoi aktin e dorëheqjes
Presidenti, Ilir Meta, reagoi më herët, duke vlerësuar aktin e Hashim Thaçit për të dhënë dorëheqjen nga detyra për shkak të konfirmimit të akuzave nga ana e Gjykatës Speciale.
Kreu i Shtetit përsëriti qëndrimin se beson në pafajësinë e Hashim Thaçit dhe bashkëluftëtarëve të tjerë dhe shtoi se ky është një moment për të forcuar unitetin për interesin kombëtar.
“Lufta e Ushtrisë Çlirimtare të Kosovës ka qenë e drejtë dhe heroike. Vlerësoj aktin e dorëheqjes së Presidentit të Republikës së Kosovës, Hashim Thaçi, për t’u ballafaquar me akuzat dhe besoj në pafajësinë e Tij e të gjithë bashkëluftëtarëve, sikundër është konfirmuar edhe në të kaluarën.
“Ky është një moment reflektimi për të forcuar më shumë bashkëpunimin dhe unitetin, në interesin më të mirë kombëtar”, shkruan presidenti Meta.
Pas konfirmimit të aktakuzës, Hashim Thaçi dha dorëheqjen nga posti si President i Kosovës, përmes një konference për shtyp.
Postin e mbetur bosh të presidentit të Kosovës pritet ta marrë kryeparalamentarja, Vjosa Osmani,
Adriana Matoshi konfirmoi para pak ditësh lidhjen me futbollistin afrikan Keith Groeneveld.
Aktorja e cila mbush 41 vjeçe në shkurt rrëfeu se u njoh rastësisht me futbollistin 21-vjeçar dhe se të dy nuk e njihnin njëri-tjetrin. Adriana u përball me një sërë komentesh negative.
Përpos kundërshtisë për shkak të moshës, romanca e aktores ka nxjerrë në pah edhe një tjetër problem, ra cizmin, pasi shumë komente kanë të bëjnë me faktin se Keith është afrikan dhe me ngjyrë.
Ndërkaq, së fundmi Keith ka ndarë një fotografi në rrjete sociale ku shfaqet krah artistes, ndërsa ka bërë dhe një dedikim mjaft për të.
Aktorja e njohur 21-vjeçarin gjatë kohës që ai u bë pjesë e Ferronikelit. Ish futbollisti i Feronikelit, Keith Groeneveld, ka lindur në Belgjikë, por është me origjinë nga Afrika e Jugut.
“Ti je ajo që më falë buzëqeshje, ti je ajo që më kë shtyrë të jem version i një personi më të mirë për veten, ti je ajo që ke besuar në mua më shumë se kushdo tjetër, ti je ajo që unë dua”, shkroi ai në Instagram.
“Ti je e mrekullueshme dhe një person shumë i dashur me një zemër të madhe. Një bekim nga Zoti. Të dua shumë shpirt”, tha futbollisti 21-vjeçar në fjalëd dedikuar partneres Adriana Matoshi, duke konfirmuar kësisoj dashurinë mes tyre.
Kryetarja e Lëvizjes Socialiste për Integrim, Monika Kryemadhi, është gjobitur për mosmbajtje maske në ambjentet e jashtme nga policia, për herë të dytë brenda dy ditëve të fundit.
Monika Kryemadhi po zhvillonte një takim ditën e sotme një takim me banorët e prekur nga tërmeti në Durrës, por gjatë diskutimeve me qytetarët e grumbulluar, teksa po diskutoheshin problematikat, aty ka mbërritur edhe policia.
Efektivët kanë kërkuar shpërndarjen e turmës, pasi nuk respektohej distanca, teksa Kryemadhin i kanë komunikuar vendosje gjobe si pasojë e mosmbajtjes së maskës, në ambiente publike.
Sipas aktit Normativ asaj i është kërkuar karta e identitetit.
Kryetarja e LSI me tone të larta, ka treguar të dhënat e saj.
“Vendose gjobën. Unë jam Monika Kryemadhi, vajza e Ramazan Kryemadhit. Lindur më 9 prill 1974”, u dëgjua t’iu thoshte kryetarja e LSI, efektivëve të policisë.
Monika Kryemadhi ka firmosur gjobën e caktuar nga Policia, e dyta në dy ditë, ndërkohë që ndaj saj është marrë e njëjta masë administrative edhe ditën e djeshme në një takim me banorët e Kombinatit.
Pjesë nga përplasja e Monika Kryemadhit me efektivin e policisë sot në Durrës:
Kur polici i kërkoi të tregonte një mjet identifikimi kryetares së LSI, për mosmbajtjen e maskës, Monika Kryemadhi e pyeti e revoltuar nëse kryeminsitri Edi Rama i kishe dhënë urdhër.
Polici: Mua s’më jep urdhër Edi Rama, mua më jep urdhër policia e shtetit
Kryemadhi: Policia e Shtetit e ke vendimin e paligjshëm. Polici sanitare, kaq.
Polici: Kartën me vete e keni? Keni shkelur aktin normativ për mosvendosjen e barrierës mbrojtëse, do ndëshkohesh 3 mijë lekë bashkë me zonjën.
Kryemadhi: Jeta e këtyre zotërinjve kushton më shumë se 3 mijë lekë gjobë.
Polici: Keni kartë me vete?
Kryemadhi:Unë jam Monika Kryemadhi vlla, e bija e Ramazan Kryemadhit, 9 prill 1974 datëlindja, 30 mijë lekëshi jot edhe i REdi Ramës s’është asgjë përballë shtëpisë së kësaj zonjës, kësaj që i kanë ikur të gjithë fëmijët, nuk ka gjobë që i zgjidh hallin.
Mos u shqetëso se më 25 prill do e gjobisin shqiptarët Edi Ramën, bam bam e do ja çjerrin maskën.
Aktori Agron Llakaj ka folur për herë të parë, pas shërimit nga virusi ‘Covid-19’ .
Ai tregoi sesi e mori lajmin e infektimit e deri tek etapat që ndoqi pas këtij momenti.
Llakaj pohoi se së bashku me bashkëshorten kishin temperaturë prej 3 ditësh e pas këtij momenti këmbëngulja e të bijës për të bërë tamponin.
“Edhe ne si shumë të tjerë u bëmë pjesë e këtij realiteti, 2-3 ditë kishim temperaturë. Unë isha më i pakujdesshmi, sepse isha i rrëmbyer nga puna në kuptimin e vlerësimit të kësaj situate. Vajza ime këmbëngulte që të shkonim të bënim tamponin”, – tha Agron Llakaj në një intervistë me Anila Çelën në ‘Neës 24’ si.
“Në ditën e tretë të simptomave ne bëmë tamponin dhe dolëm pozitiv. Sa po ktheheshim nga stërvitjam 11 km ecje, pra, ishim energjikë. Prej atij momenti u vetëkarantinuam për të respektuar të tjerët”- është shprehur Llakaj.
“Nuk e bëra publike lajmin, qëndrova i heshtur, por mungesa ime në televizion u kuptua dhe njerëzit pyesnin ku është”.
“Nuk duhet kuptuar sikur të jesh me Covid-19 është si të jesh me kolerë. Qëndruam 14 ditë të izoluar, le të themi që ishte nja kalim i moderuar, nuk mund ta themi i lehtë por as i rënduar jo, e morëm me sportivitet. Unë, gruaja dhe mbesa ime qëndruam të mbyllur në shtëpi”.
“Erdhi një moment që u rënduam dhe vajza ime na tha se vinte të na shërbente edhe pse ajo nuk ishte e prekur me koronavirus. Na tha le ta marr, unë do t’ju përgjigjem dhe për 5 ditë, na ka qëndruar pranë vajza”.
“Nuk ka diçka specifike Covid-19 secili e kalon në mënyrën e tij. Në ditën e 12-të bëmë një skaner se kishim dhe kollë. Doli që kishim një prekje të lehtë të mushkërive. Bëmë një antibiotik 3 ditorë rritëm elementët e hollimit të gjakut dhe ditën e 16-të unë dola në punë”- shtoi më tej aktori i humorit.
Aktori falenderoi dhe stafin mjekësor për kujdesin e madh që treguan ndaj tij dhe bashkëshortes.
“Natyrisht unë shpreha mirënjohjen për gjithë ekipin dua t’i themi gjërat siç janë. Nuk mendoj se një qytetar i thjeshtë mund të kishte mundësitë që m’u ofruan mua. Tani dhe këtë duhet ta bëjmë diferencën, ndaj dhe thashë shyqyr që kemi shok dhe miq”, është shprehur aktori i humorit si dhe moderatori i njohur Agron Llakaj.
Presidenti Kosovës, Hashim Thaçi ka dhënë dorëheqjen nga posti që mbante.
Në një konferencë për shtyp, ai u shpreh se është informuar se Gjykata Speciale ka konfirmuar akuzën për krime lufte dhe kjo është arsyeja e dorëheqjes.
Pasi dha dorëheqjen, Thaçi u paraqit në zyrat e Eulex.
Kompetencat e Presidentit, bazuar në Kushtetutën e Kosovës, i kalojnë kryeparlamentares, Vjosa Osmani.
“Para pak çastesh jam informuar zyrtarisht se gjykatësi i procedurës parapake i Dhomave të Specializuara ka konfirmuar aktakuzën kundër meje”, – u shpreh Thaçi.
“Janë këto momente jo të lehta për mua, familjen time dhe juve që më keni mbështetur. Unë do të bashkëpunoj ngushtë me drejtësinë dhe nga ky moment jam në dispozicion të drejtësisë. Sot, më shumë se kurrë, ju lus dhe ju bëj thirrje të mos e humbisni shpresën, durimin dhe besimin. Ju ftoj që të reflektojmë se sa shumë kemi fituar si komb në këto tri dekada”, – shtoi presidenti Thaçi.
Më tej kreu i shtetit të Kosovës u shpreh se aktakuza kundër tij dhe bashkëluftëtarëve është çmim i vogël i radhës që duhet të paguajnë për lirinë e vendit.
“Jam me fat që jam gjallë dhe kam përjetuar ëndrrën tonë shekullore që të bëhet realitet. Jam krenar që me bashkësinë ndërkombëtare dhe aleatët tanë kemi luftuar gjenocidin e Millosheviqit dhe kemi fituar lirinë”, – theksoi Hashim Thaçi.
Më herët, Gjykata Speciale konfirmoi aktakuzën edhe ndaj kreut të PDK-së, Kadri Veseli.
Ndërsa një ditë më parë për të njëjtat akuza u arrestua ish-kryeparlajmentari, Jakup Krasniqi.
Sot një ditë e trishtë për Kosovën: drejtuesit kryesor të shtetit sot, por edhe drejtuesit kryesorë të UÇK dje, u akuzuan zyrtarisht dhe tashmë do të jenë nën hetime në Hagë.
Dorëheqje e Presidentit Thaçi dhe e kryetarit të opozitës kryesore Kadri Veseli. Një listë e gjatë politikanësh janë gjithashtu nën hetim, ndërkohë që dy prej politikanë të tjerë të rëndësishëm, Haradinaj e Lima, kanë qenë në Hagë dhe nuk përjashtohet mundësua të thirren përsëri.
Cilido që përballet me një akuzë duhet të provojë pafajësinë e tij dhe vetëm drejtësia mund ta provojë këtë, akuza dhe hetimet janë nga një gjykatë ndërkombëtare e votuar nga vetë Kuvendi i Kosovës, por mbetet i trishtë fakti se Kosova po penalizohet shumë më tepër sesa agresori dhe se ajo po bëhet vendi i vetëm jo diktatorial, ku drejtuesit kryesorë politikë merren nën hetim ndërkombëtar.
E trishtë sepse shumë prej këtyre emrave bënë akte të jashtëzakonshme për Kosovën në lëvizjen për pavarësi, ashtu siç më vonë u bënë gjithashtu pengesë serioze e saj në procesin e ndërtimit të shtetit të së drejtës.
E trishtë sepse Kosova ka 1000 probleme më emergjente sesa përballja me Hagën të elitës së saj politike drejtuese, dhe tashmë, rrezikon të hyj në një rreth vicioz aktesh, retorike, veprimesh dhe pasojash.
E trishtë se ndonëse një emër pozitiv si Vjosa Osmani merr funksionet e Presidentit në detyrë, raportet midis drejtuesve që nuk janë rrugës për në Hagë mbeten konfliktuale dhe shumë të tensionuara, qeveria mbetet e dobët, kriza politike mbetet në prag. E trishtë sepse Kosova nuk ka “Ibrahim Rugova”, se emra me integritet si Fatmir Sejdiu nuk e përfaqësojnë më Kosovën dhe se liderë politikë si Kurti kanë humbur mbështetjen perëndimore. E trishtë sepse edhe Shqipëria është në krizë dhe Tirana zyrtare nuk është më një zë i besueshëm mbështetës për Kosovën në kancelaritë perëndimore, dhe se kështu, “bota shqiptare” hyn shumëfish në krizë politike e përfaqësimi.
Fotoja e përzgjedhur nga autori, publicisti Afrim Krasniqi, lidhur me artikullin.
