Drejtori i Përgjithshëm i Policisë së Shtetit, Ardi Veliu ka firmosur pezullimin nga detyra të kreut të Operacionit Forca e Ligjit, Artan Shkëmbi.
Pezullimi është bërë edhe nga posti tjetër që mbante, ai i drejtorit në Drejtorinë e Përgjithshme të Policisë, në departamentin e Policisë Kriminale.
Prokuroria e posaçme SPAK, kërkoi pezullimin e tij, i akuzuar për nxjerrje të sekretit hetimor në këmbim të parave.
Para disa muajsh ai rezultoi “i pastër” nga verifikimet e kryera në kuadër të procesit të vetingut, duke u konfirmuar në detyrë.
Nga ana tjetër, Partia Demokratike e ka akuzuar Shkëmbin, si bashkëpunëtor të Sigurimit të Shtetit, në periudhën e komunizmit. /noa.al
Türk polisinin, Arnavutluk Terörle Mücadele Birimi personeline yönelik eğitim programını tamamlayanlara törenle sertifika verildi. Arnavutluk’un başkenti Tiran’daki Güvenlik Akademisinde düzenlenen törene Arnavutluk Güvenlik Akademisi Müdür Yardımcısı Artan Shkembi (fotoğrafta), Türkiye’nin Tiran Büyükelçiliği Müsteşarı Sinan Cem Baş ve Büyükelçilik temsilcileri katıldı. ( Olsi Shehu – Anadolu Ajansı )
Presidenti Ilir Meta përshëndet zyrtarizimin e propozimeve të Opozitës së Bashkuar në Këshillin Politik gjatë së dielës.
Ai thotë se opozita është e vendosur për të ndërtuar konsensus në të kundërt të Rilindjes, që kërkon me insistim konfliktin, shtrembërimin e zgjedhjeve dhe asgjësimin e Këshillit Politik si instrument vendimarrës konsensual.
“Drafti i paraqitur nga Opozita realizon hapjen e listave 100% dhe respektimin e plotë të barazisë gjinore, përkundrejt mashtrimit dhe mbylljes 100% të listave nga Rilindja. Drafti i opozitës respekton konsensusin e arritur dhe Marrëveshjen e 5 Qershorit. Drafti i Opozitës kërkon opinionin e ODIHR për çështjet që nuk ka dakordësi, si një palë e paanshme dhe si vëzhguesit zyrtarë të zgjedhjeve”, shkruan Meta.
Sipas tij, opozita ka ndërmarrë çdo hap, që çon përpara procesin e integrimit europian të Shqipërisë ku reforma zgjedhore, zbatimi i saj dhe hetimi i krimit elektoral janë kushtet kyç që përcaktojnë hapjen e negociatave për anëtarësim.
Kreu i shtetit deklaron se çdo akt i njëanshëm që përmbys marrëveshjen e 5 Qershorit do të ishte një atentat dhe provokim i patolerueshëm dhe i paamnistueshëm ndaj rendit kushtetues e demokratik dhe së ardhmes europiane të vendit.
“Koha për reflektim!”, thotë në mbyllje Presidenti Meta.
Vetingu i “ha kokën” një prej zyrtarëve më të lartë në Policinë e Shtetit.
Në vendimin e dhënë ditën e sotme, Komisioni i Jashtëm i Vlerësimit ka gjetur të papërshtatshëm për detyrën dhe ka shkarkuar Edmond Papën.
Papa mbante detyrën e shefit të Sektorit të Sigurisë së Personelit, Drejtoria e Analizës dhe Kartotekës, Shërbimi për Çështjet e Brendshme dhe Ankesat.
Ky është shkarkimi i dytë në radhët e policisë, pasi i pari drejtues i shkarkuar është Oltion Shehu, drejtuesi i sektorit të ankesave në Shërbimin për Çështjet e Brendshme dhe Ankesat, i cili u largua nga detyra në nëntor të vitit 2019. /noa.al
Kryeministri Edi Rama ka mbledhur paraditen e sotme në selinë e Partisë Socialiste, drejtuesit politikë në qarqe.
Në përfundim të takimit ai ka folur për listat e kandidatëve në zgjedhjet e 25 prillit, ku deklaroi se po punohet për të përmirësuar marrëdhëniet mes institucioneve të pushtetit qendror me qytetarët.
Nga ana tjetër pyetjes nëse është i kënaqur me drejtuesit politikë të PS, u përgjigj me fjalët, “Unë nuk jam i kënaqur as me veten time dhe jo me drejtuesit politik”.
Lidhur me draftin e opozitës për ndryshimet në Kodin Zgjedhor tha se, “Është në tagrin e grupit që merret me reformën zgjedhore”. /noa.al
Edhe në ditët në vijim moti do të vazhdojë të jetë i paqëndrueshëm dhe me reshje shiu.
Sipas “Meteoballkan”, një tjetër ciklon pritet të kalojë në vendin tonë, por do të jetë më pak i fuqishëm se ai që kaluam.
“Pas kalimit të ciklonit të fuqishëm natën e kaluar, tani kemi një tjetër ciklon i cili për momentin gjendet në Italinë veriperëndimore. Ky ciklon do të fuqizohet dhe do të rrugëtojë përmes Italisë Qendrore në drejtim të Adriatikut verior ku pritet të shkaktojë reshje të fuqishme dhe stuhi intensive në ato vende.
Një pjesë e lagështisë nga ky ciklon do të vije edhe në rajonin tonë ku priten reshje të reja shiu, megjithatë nuk duhet pritur reshje gjithëpërfshirëse. Vende-vende përsëri priten reshje intensive dhe stuhi shiu veçanërisht në veriperëndim dhe jug të Shqipërisë. Në viset tjera të rajonit tonë reshjet do të jenë më sporadike dhe të karakterit lokal, megjithatë nuk duhet përjashtuar mundësinë e ndonjë rrebeshi të fuqishëm lokal shiu me vetëtima dhe bubullimë. Nesër (e Hënë) pritet që temperaturat të shënojnë ngritje të lehta, ndërsa ma kalimin e ciklonit ato do të shënojnë ulje të martën, por nga e mërkura dhe e enjta temperaturat përsëri pritet të shënojnë ngritje graduale. Për detaje tjera në postimet tona të ardhshme”, thuhet në njoftimin e Meteoballkan.
Mali i Zi ka marrë vendimin që të rikthejë masat shtrënguese për shkak të rritjes së numrit të viktimave dhe të të infektuarve me Covid-19. Që nga mbrëmja e sotme, në Nikshiq, Berane, Andrijevicë dhe Rozhaje, qytete me numrin më të lartë të të rekurve do të jenë në shtetrrethim.
Nga ora 22:00 nuk lejohet lëvizja, ndërsa hotelet në këto rrugë, do të jenë të mbyllura. Të njëjtat rregulla do të ndjekë edhe Podgorica e Kotori. Në orën 05:00 të mëngjesit, do të rinisë qarkullimi i njerëzve dhe pua, por gjithsesi, hotelet do të qëndrojnë mbyllur. Klubet e natë, nuk bëhet fjalë të hapen deri në fund të këtij viti, të paktën.
Ditën e sotme Mali i Zi raportoi 116 persona të prekur me Covid-19. Aktualisht ky vend ka 3699 raste aktive me Covid-19, ndërsa viktima në total ka shënuar 158.
Dy ditë më parë, Kosova shtrëngoi rripin. Në Kosovë, restoranteve dhe bareve u ndalohet funksionimi nga ora 23:30 deri në 5 të mëngjesit. Ndërsa nga ora 21:00 ndalohet muzika.
Kosova ka njohur një ulje drastike të rasteve me COVID, por artistët atje, ashtu si edhe në Shqipëri, duket se janë ndër më të vuajturit. Ata thuajse në tetë muaj kanë mbetur të papunë.
Këngëtari i njohur Labinot Tahiri nëpërmjet një postimi në rrjetet sociale ka kritikuar ministrin e Shëndetësisë në Kosovë, Armend Zemaj.
Sipas Labit virusi është zhdukur, por së bashku me të është shuar edhe muzika dhe mbrëmjet e natës ku kanë punuar mbi 20.000 të rinj.
“Ministri historik që ja ka q… nanën artit e kulturës në Kosovë!
Dmth VIRUSI ËSHTË ZHDUKUR dhe së bashku me të është shuar edhe muzika dhe mbrëmjet e natës ku kanë punuar mbi 20.000 të rinjë!
Baca i vet po gajlohet për muzikën , po e ruan me një fjalë!!
Ky dhe kolegët e tij janë expertë të cilët janë kah e ruajnë tingullin e muzikës, se mos po e prek virusi mbas orës 21:00 e po vdes tingulli krejt, shembull: Qiftelia, Defi, Tupani, Gitarja, Harmonika, besa tash edhe paisjet e DJ etj..!
Faleminderit ministër i qiftelisë dhe i defave!
Moti është dasht me qenë ti nën udhëheqjen e ‘ESTRADËS SË VDEKUR’ dhe jetës së natës të ‘kafiterive t’falimentuara’ , ku i keni lënë me nga 2 puntorë, të cilët kanë mbetur shkrumb e hi, si dikur Hiroshima nga atomi!
Ju lumtë, ju jeni ata që e keni “ngritur ekonominë”,ku për 10 vite nuk do kthjellet më rinia, ekonomia, e as gastronomia!
Nga nesër merrni një vendim; Bubashfabat me i rujt mos po cofin nga muzika, e ndalojeni muziken edhe prej ores 2 të ditës thjesht shpalle gjendje lufte në Kosovë! Bravo Ministër”, – reagoi Labinot Tahiri.
Gjethet e rrushit janë tepër popullore në Shqipëri sidomos për dashamirësit e japrakut ose dollmasë. Këto gjethe janë të pasura me vitamina dhe minerale. Ato i gjejmë të paketuara në enë të ndryshme, por varianti më i shëndetshëm është padyshim ai i freskëti. Gjethet e rrushit shijojnë më shumë kur zihen në avull ose ujë.
Vlerat kundër inflamacionit
Gjethet e rrushit luftojnë inflamacionin. Inflamacioni kronik është faktori kryesor i disa sëmundjeve si ato të zemrës dhe Alzhaimerit. Inflamacioni shkakton edhe artritin dhe sëmundje gastrointestinale. Stili i jetesës dhe genet janë kontribues në shfaqjen dhe zhvillimin e inflamacionit, por një ushqyerje e shëndetshme me ushqime që nuk shkaktojnë inflamacion është strategjia më e mirë për t’i qëndruar larg sëmundjeve të rrezikshme.
Vlerat ushqyese të gjetheve të rrushit
Njerëzit që janë të kujdesshëm me peshën e tyre, duhet të përdorin gjethet e rrushit, sepse ato përmbajnë shumë pak kalori. Në pesë gjethe gjenden 14 kalori. Gjethet e rrushit janë një burim i mirë ushqyesish. Aty gjenden vitaminat C, E, A, K dhe B6 përfshirë niacinën, hekurin, fibrën, riboflavinën, folatin, kalciumin, magnezin, bakrin dhe manganin. Një racion me gjethe rrushi nuk përmban as yndyrë, as kolesterol dhe ka shumë pak natrium dhe sheqer.
Nivele të ulëta të glicemisë
Një racion me gjethe rrushi ka shumë ushqyes dhe ndikon në kufizimin e nivelit të sheqernave në gjak. Mbajtja nën vëzhgim e sheqernave në gjak është e rëndësishme, veçanërisht për ata që vuajnë nga diabeti e që duhet të kontrollojnë ndikimin e çdo ushqimi në nivelin e sheqerit. Një njeri i rritur dhe shëndetplotë duhet të ketë një nivel glicemie në 100 ose më pak, rrjedhimisht gjethet e rrushit janë zgjidhje shumë e shëndetshme.
Pamjaftueshmëria kronike e venave
Një studim i vitit 2010 nga Departamenti i Dermatologjisë në Universitetin e Freiburg në Gjermani doli në konkluzionin se ekstraktet e gjetheve të rrushit zvogëlonin edemat tek pacientët që vuajnë nga pamjaftueshmëria kronike e venave, një sëmundje kronike që prish ekuilibrat e qarkullimit të gjakut. Kur gjaku has pengesa dhe nuk arrin dot në zemër, këmbët enjten dhe preken nga edema. Zvogëlimi i edemës ul barrën e rëndë në vena dhe sistemin vaskular.
Përdorimet kundër reumatizmës dhe sëmundjeve të tjera
Gjethet e rrushit, veçanërisht ato të rrushit të kuq, janë përdorur prej shekujsh dhe përdoren në mjekësinë bimore kunder dhimbjeve të kockave. Gjethet e rrushit përdoren si çaj kundër diaresë, hepatitit, dhimbjeve të stomakut, reumatizmën, dhimbjet e kokës dhe etheve. Ju mund t’i thani vetë gjethet e rrushit duke i lënë ato në diell. Gjethet e thara të rrushit mund të zihen në ujë dhe të pihen si çaj me mjaltë. Një grusht gjethesh të thata të thërrmuara të ziera në 250 ml ujë do të mjaftojnë për një kupë çaji./AgroWeb
