Pas videos ku kryeministri i përgjigjej me video qytetarëve për shqetësimet e tyre lidhur me biznesin, ekonominë dhe mundësinë e një mbylljeje të dytë, ka vijuar duke replikuar ndaj komentuesve me shkrim.
Në dy komente bie në sy se qytetarët i kërkojnë Ramës të largohet, teksa njëri i thotë qartazi se për të ky është ‘’dimri i fundit’’ si kryeministër.
Por Rama ka theksuar se nuk ia bën dot qejfin disave të largohet pasi për të vendos populli dhe ai e jep kupën në fund. Por ai siguron se ata që mbanin karrigen me dhunë kanë ikur përgjithmonë.
Partia Demokratike publikoi sot listën e kandidatëve potencialë për deputetë në këtë qark.
Lista me 39 kandidatë për Vlorën, Delvinën, Himarën dhe Selenicën e Sarandën, përmban edhe surpriza, aty mungon emri i një prej biznesmenëve më të njohur në vend, vlonjati Agron Shehaj.
Është e vështirë të mendosh se Shehaj do të qëndrojë jashtë zgjedhjeve të 2021, por ka gjasa që Basha të ketë plane të tjera për të, duke e kandiduar ndoshta në një qytet tjetër.
Nga fusha e biznesit, Shehaj iu bashkua Partisë Demokratike në 2017-ën kur edhe fitoi mandatin e parë të deputetit në vendlindjen e tij. Shehaj qëndroi pak më shumë se dy vite deputet, derisa vendosi të djegë mandatin së bashku me shumë kolegë të tjerë.
Ndoshta Shehajn do ta shohim kandidat i PD-së në Tiranë? Mbetet për t’u parë…
Ish-kryeministri Sali Berisha shfaqet ndryshe në një intervistë për një televizion në Kosovë.
Berisha është shfaqur si rrallë herë me plisin (qeleshen) në kokë teksa ka mbajtur edhe çiftelinë.
“S’ka kapele më të mirë se kjo”, thotë ish-kryeministri, por gazetari ka menduar edhe për t’i bërë disa pyetje provokuese.
Në plisin e Berishës është stampuar portreti i komandantit të UÇK-së, heroit Agim Ramadani.
Blerimi një shqiptar nga Maqedonia e Veriut dhe Nensi një grua gjermane janë burrë e grua. Nensi për Blerimin është gruaja e dytë, ndërsa Blerimi për Nensin është burri i tretë. Nensi në seancën “Shihemi në Gjyq” tek E Diela Shqiptare është shprehur se ka dyshime që Blerimi akoma shkon me gruan e parë. Me të jeton në shtëpi, ndërsa ish-gruan e çon në hotel.
Nensi tregon se ajo nuk është shkaktarja e problemeve që ai ka në familje dhe se të dy kanë dashur të bëjnë fëmijë, por nuk mund të marrë këtë hap përderisa Blerimi sipas saj po takon ish-gruan e parë. Ajo ka parë foto së bashku dhe këtë gjë e konsideron si provokim nga ish-gruaja e tij.
Eni Çobani: Ke dalë foto me ish-gruan tënde ndërkohë që jeton me Nensin në Gjermani: Blerimi: E kam bërë, por për hatër të fëmijëve të mi. Kam dy fëmijë nga martesa e parë.
Nensi: Nuk bëhet ashtu. Blerimi: Jam divorcuar në vitin 2019, por nuk qëndron problemi tek divorci por tek familja. Nensi: Blerimi ka bërë divorcin pasi më njohu mua. Blerimi: Unë jam djali i vetëm, prindërit nuk kanë dashur të humb familjen dhe fëmijët.
Nensi: Pse më ofendojnë mua prinderit dhe ish-gruaja e tij, ata thonë që unë jam k**vë, ata nuk më njohin mua dhe nuk e dinë jetën që unë kam bërë. Babai, ish-gruaja edhe dajat edhe krejt familja më shajnë kështu duke më dërguar mesazhe.
Blerimi: Problemin e kanë pasur tek unë ata. Më kanë akuzuar se ia kam kthyer shpinën. Unë nuk kam dashur të lëndoj Nensin përderisa jetoj me të. E pranoj që nuk dua ta vras shpirtërisht.
Nensi: Ish-gruaja më ka nisur një foto me Blerimin në hotel. Ai më thotë që e bëra për fëmijët. Nuk bëhet kjo gjë për fëmijët.
Blerimi: Unë nuk kam dashur të të fus ty në probleme. Unë jam divorcuar nga ish-gruaja por jo nga nëna e babi dhe familja. Unë nuk dua t’i humbas ata, familja më ka kthyer shpinën. /tvklan
Vlora, një qark me 12 mandate deputetësh do të votojë të dielën për 39 kandidatë potencialë për deputetë. Demokratët kanë të drejtë të votojnë në bllok për të gjithë ose të kontestojnë një kandidaturë. Më poshtë emrat sipas degëve të Qarkut Vlorë në procesin që është vlerësuar si një ndër risitë më pozitive në jetën politike të vendit.
Votimi i kandidatëve nga anëtarësia ka përfunduar në degët e PD në 7 qarqe: Kukës, Dibër, Gjirokastër, Berat, Shkodër dhe Lezhë, Elbasan, ndërsa sot po votohet në Qarkun e Durrësit. Procesi është konsideruar si një risi për politikën, një proces rrit demokracinë e brendshme në PD dhe tregues për mënyrën sesi do të qeverisë nesër forca më e madhe e opozitës.
Mes sëmundjes së rëndë dhe varfërisë. Ndërsa ditët kalojnë, sëmundja përparon dhe të ardhurat e familjes Deda pakësohen.
Marte Deda është 48 vjeçe dhe prej disa vitesh tashmë ajo është e detyruar të bashkëjetojë me një sëmundje të rëndë që e ka paralizuar.
“Jam e sëmurë jam vizituar gjithandej, ka dy vite që jam me mjekim të rregullt pa ndërprerë”, tha Marta.
Marta tregon se familja e saj përbehet nga 10 anëtarë ndërsa të gjithë janë të papunë dhe marrin vetëm një ndihmë ekonomike dhe kempin e saj i cili nuk mjafton as për ilaçe.
“Mjekimi që marr nuk gjendet në Shqipëri detyrohem ti marr jashtë shtetit, trajtohem me kemp 370 mijë lekë të vjetra, ato që marr nuk mjaftojnë, unë jam me sëmundje kronike dhe detyrohem të shkoj shpesh në spital”, tha ajo.
Të 10 anëtarët e kësaj familje jetojnë në një shtëpi me mure të plasaritura dhe një çati të vjetër që në kohë me shi i gjithi hyn brenda.
“Shtëpinë e kam në gjendje shumë të keqe, ka lagështirë ra tërmeti, plasaritjet e para filluan që në shtator, ato u zmadhuan shumë me tërmetin e 26 nëntorit. nuk ka asnjë të më shohë në çfarë gjendje jetoj. Kur vjen vjeshta nuk ma bën zemra të jetoj në këtë shtëpi nga gjendja ime shëndetësore’, thotë ajo me lot në sy.
Mbesa e saj tregon se Marta nuk mund të lëvizë e vetme ndërsa apelon për ndihmë.
“Ajo është aq sëmurë s del fare nuk lëviz, vetëm çfarë pret ndonjë shërbim prej meje apo dikujt tjetër”, tha mbesa.
Mjekimi i Martës kushton dhe në këto kushte familja nuk mund të përballojë as blerjen e ilaçeve dhe nevojave për shërbime mjekësore
Marta bën apel për ndihmë në mënyrë që të arrijë të plotësojë kushtet bazë dhe siç ajo thotë të jetojë.
Hapja e kufirit, kryeministri Rama jep lajmin që prisnin të gjithë shqiptarët…
Po zhvillohet mbledhja e përbashkët e dy qeverive, të Shqipërisë dhe të Kosovës, ku Rama tha se duhet të hiqet kufiri mes dy vendeve.
Kosova me doganë në portin e Durrësit, linjë e përbashkët hekurudhore dhe ndërtimi i një hidrocentrali, janë 3 marrëveshjet që do të firmosen.
“Hapat e hedhur nuk janë të vegjël, megjithëse distanca mbetet e madhe. Kontrolli kufitar Morinë-Zërnicë, funksionon me parimin një ndalesë, një kontroll. Edhe këtë verë janë shmangur radhët e gjata. Heqja e kufirit mes Shqipërisë dhe Kosovës, ministritë e Brendshme të intensifikojnë punën dhe të njësojnë databazën pa humbur asnjë cm në frontin e betejës kundër krimit”, tha Rama.
Një qytetar i zhgënjyer ka shpër thyer mëngjesin e sotëm ndaj politikanëve tanë, duke thënë se ne kemi klasë politike të pacipë e imorale.
Kur erdhën para 8 vitesh dhe në kerkuan votat, tha qytetari në emisionin e mëngjesit në Report Tv, erdhën me makina të ’92 kurse tani sipas tij po shkojnë me X5 dhe X6.
“Klasë politike imorale dhe e pacipë. Kur erdhën te ne para 8 vitesh dhe kërkuan votat, erdhën me makina të ’92. Kurse tani që po vijnë prap po vijnë me X5 dhe X6. Duke filluar nga Ilir Meta, Edi Rama e ajo ‘Donika Kastrioti’ e LSI. Edhe Lulzim Basha. Këta janë politikanët tanë të pacipë”, tha ai.
Ndërkohë një tjetër i zhgënjyer u zotua: Po unë vdeksha po të votova prap ore. Për kë të votoj unë, për këta?
