Andueli

Vitamina D është thelbësore për funksionimin e duhur të trupit tonë, por nuk është e pranishme në ushqimet që konsumojmë.

Ekspertët e Shëndetësisë thonë se nuk është e mjaftueshme një dietë e mirë, por është e nevojshme të ekspozoni veten në diell për të qenë në gjendje për ta sintetizuar atë sa më mirë.

Mungesa e vitaminës D gjatë viteve të fundit është duke u bërë shumë më e shpeshtë, sidomos tek njerëzit e moshuar, shpesh të detyruar të qëndrojnë në shtëpi ose në azile, ku nuk mund të shijojnë mjaftueshëm rrezet e diellit, ata që nuk mund të ekspozohen ndaj diellit për shkak të problemeve dermatologjike, ose prania e sëmundjeve që ndërhyjnë në thithjen e vitaminës D, siç është sëmundja celiac.

Atëherë, çfarë duhet të bëjmë? Ekspertët thonë se vitamina D është thelbësore për fiksimin e kalciumit te kockat. Natyrisht, për këtë arsye, më shumë kanë nevojë fëmijët në fazën e zhvillimit, zonjat që duhet të japin gjithçka që ju nevojitet për veten e tyre dhe për foshnjën, për ato më të vjetrat që hyjnë në menopauzë dhe kanë kocka më delikate.

Përveç garantimit të një sistemi të fortë të skeletit, vitamina D gjithashtu vepron në shumë organe të tjera të tilla si: zemra, mushkëritë dhe madje edhe në sistemin imunitar. Ekspertët e Shëndetësisë thonë se vitamina D ndikon në parandalimin e sëmundjeve të caktuara, të tilla si diabeti i tipit 1, parandalon ose ngadalëson zhvillimin e kancerit duke ndaluar rritjen e qelizave dhe duke inkurajuar vdekjen e tyre të planifikuar. Nëse e gjithë kjo nuk është akoma e mjaftueshme, kjo vitaminë na mbron nga disa sëmundje të lëkurës, të tilla si psoriasis dhe dermatiti atopik.

Ndërkaq, dielli është mënyra më e mirë për t’u ngopur me vitaminën D. Natyrisht, midis punës, shtëpisë dhe familjes nuk është gjithnjë e lehtë, por t’i dedikosh pak kohë ekspozimit të lëkurës në diell është me të vërtetë e nevojshme. Një arsye e mirë për të ecur, vrapuar ose çiklizëm: si dhe duke u kënaqur, duke i bërë kockat tona më të forta si dhe mund të humbim edhe disa kilogramë.

Është e mundur të sigurohet një furnizim i mirë i vitaminës D edhe duke ngrënë disa ushqime si peshqit. Në fakt, vaji i mëlçisë së merlucit dhe disa peshq yndyrorë si salmon dhe harengë janë veçanërisht të pasur, por edhe e verdha e vezës, mëlçia, mishi i kuq dhe perimet jeshile janë të shkëlqyera për të na dhënë këtë vitaminë të çmuar.

Gjithashtu, vitamina D sintetizohet nga lëkura kur rrezatimi diellor arrin një intensitet të caktuar. Pra, vera është sezoni kryesor për të bërë një stok të mirë, ndërsa në dimër fillon të mbarojë. Meqë sasia e vitaminës D që prodhon lëkura nën ndikimin e dritës së diellit ulet me rritjen e moshës, me shtimin në peshë si dhe me ndotjen e ajrit, por ajo që nuk duhet të harrojmë është që ta mbajmë trupin në formë, duke u kujdesur të mos marrim shumë yndyrë./atsh

Vitamina C shërben si mburojë ndaj shumë patologjive dhe është një element ndihmës kundër gripit dhe rrufës.

Disa nga perimet dhe frutat te të cilat gjendet me shumicë, janë: spinaqi, specat, portokalli dhe limoni. Ekspertët e Shëndetësisë thonë se kjo vitaminë është një antioksidues natyral shumë i fuqishëm, i cili parandalon plakjen e qelizave si dhe mbron organizmin nga shumë patologji.

Vitamina C stimulon imunitetin: Vitamina C stimulon mbrojtjen e sistemit imunitar nga shumë sëmundje, që nga rrufa dhe i ftohti e deri te tumoret ose atakët kardiakë. Falë aftësive që ka në aktivizimin e funksionit të limfociteve, qelizat përgjegjëse për mbrojtjen imunitare stimulon prodhimin e substancave kimike mbrojtëse si interferonet. Në këtë mënyrë, na ndihmon të luftojmë rrufën, të ftohtin dhe sëmundjet e rrugëve respiratore, duke përfshirë këtu edhe astmën. Gjithashtu, ka funksion antiinflamator, antiviral dhe minimizon efektin e toksinave të duhanit, ndotjes dhe alkoolit.

Vitamina C rigjeneron indet: Acidi askorbik ose vitamina C, është shumë e nevojshme për formimin, mbrojtjen dhe stabilizimin e kolagjenit, proteina zëvendësuese në prodhimin dhe riparimin e indeve lidhëse, lëkura, enët e gjakut dhe kockat si dhe në mirëmbajtjen e kapilarëve, mishrave të dhëmbëve dhe dhëmbët. Ajo ndikon edhe në shërimin e plagëve, parandalimin e hemorragjive si dhe riparimin e kockave në rast thyerjeje ose dëmtimi.

Vitamina C është antioksidues tejet i nevojshëm: Funksioni i saj antioksidues na mbron nga radikalet e lira si dhe ndihmon indet nga plakja. Duke bashkëvepruar në sinergji me vitaminën E, na mbron nga sulmi i këtyre entiteteve, duke parandaluar plakjen qelizore dhe duke kufizuar stresin oksidativ. Bashkëveprimi me këtë vitaminë, luan një rol tejet të veçantë edhe në mbrojtjen e lëkurës nga rrezet ultraviolet. Veprimi i fuqishëm antioksidues i acidit askorbik, është efikas edhe në parandalimin dhe trajtimin e llojeve të kancerit.

Ekspertët e Shëndetësisë thonë se vitamina C luan rol kyç në përthithjen e disa substancave ushqyese, si hekuri, si dhe në aktivizimin e disa të tjerave, si acidi folik. Ndaj, ekspertët këshillojnë që mishin ose perimet t’i spërkatim me lëng limoni ose portokalli. Mbi të gjitha, kjo vitaminë këshillohet të merret nga ata që vuajnë nga anemia. Frutat dhe perimet janë ndër ushqimet që kanë më shumë acid askorbik ose vitaminë C: 100 g kivi përmbajnë 85 mg vitaminë C.

Vitamina C ndërhyn në sintezën e disa substancave, si: norepinefrina, hormoni adrenokortikotropik, si dhe hormonet steroide, të cilat janë substance që prodhohen në situata stresi për të reaguar ndaj rrezikut.

Aftësia e organizmit për të përthithur vitaminën C ulet si pasojë e: duhanpirjes, stresit, temperaturës së lartë si dhe përdorimit të aspirinës. Madje doza të larta mund të shkaktojnë edhe shqetësime gastrointestinale, si ngërçe dhe diarre.

Mungesa e vitaminës C sjell problem në sistemin tretës: Një ushqim i varfër me acid askorbik ose probleme metabolike në përthithjen e tij, mund të shkaktojnë fillimin e skorbutit, një sëmundje sistematike e cila shfaqet me inflamacion, gjakosje të mishrave të dhëmbëve, dobësi dhe anemi të theksuar. Ekspertët e Shëndetësisë thonë se mungesa e vitaminës C mund të sjellë vështirësi në tretje, anemi si dhe shërim të ngadaltë të plagëve./atsh