Kryeministri Edi Rama, i shoqëruar nga ministri Bledi Çuçi dhe ish-ministrja Mirela Kumbaro ka vijuar me turin e takimeve të tij elektorale ne qytetin e Gjirokastrës.
Qytetarë të shumtë dhe simpatizantë të PS-së e kanë pritur me këngë popullore kryeministrin Rama, të cilit i kushtojnë këto vargje:
“Mirë se erdhe Edi Rama, burri që bën historinë”.
Por Rama iu përgjigj me batuta: Jo moj jo, ik ik, mirupafshim rrofshi”.
Kreu i qeverisë ka zhvilluar vizita në bizneset tek pazari i Gjirokastrës, ku mori edhe një dhuratë të veçantë, logon e PS së gdhendur në gurë.
“Tani do lirojmë sezonin dhe do kesh punë se do vijnë njerëz. Më e keqja është duke ikur, më e mira po vjen përpara”, i tha Rama qytetarit i cili i bëri dhuratën.
“Këtë e gdhenda në gur. Historia shkruhet në gur gjithë kohës. Ja dhe babin tim e kam gdhendur në gur”, tha ai.
Rama i premtoi se dhuratën do ta vendoste në zyrë.
“Të rrosh dhe ta kujtosh babanë, shumë faleminderit. Këtë do e vë të zyra e PS atje”.
Rama iu ka premtuar bizneseve se situata do të ndryshojë me ardhjen e verës dhe se do të kenë një sezon të mbarë.
/NOA.al
Kryetari demokrat Lulzim Basha thotë se Edi Rama do të ikë më 25 prill dhe njofton se çfarë efektesh direkte do të ketë për qytetarët, ardhja e tij në pushtet.
Ai tha se për çdo ripunësim, do të jepen 200 mijë lekë të vjetra në muaj. Sakaq, 1000 euro cash do të jepen për çdo biznes të vogël.
Kurse njoftoi taksën e sheshtë 9% për bizneset mbi 14 milionë lekë të reja xhiro, sigurime shoqërore 18%, karburant 240 lek/litër më i lirë dhe energji më e lirë.
Ai tha se mjerimi ka arritur proporcione që janë të paimagjinueshme. Ekonomia familjare është në pikën më të ulët për një kohë shumë të gjatë. Këto janë shqetësimet reale të shqiptarëve, tha Basha.
Duke folur për mitingjet ai tha se “ata njerëz që dalin aty janë paralajmërimi që Edi Rama do të largohet masivisht më 25 prill ndërsa unë me marrjen e pushtetit me marrje ne përgjegjësive të kryeministrit garantoj as pandeminë as vaksinat nuk do t’i përdor për fushatë”.
Kurse shtoi: “Njerëzit e kanë kuptuar, nuk mund t’i bësh njerëzit për budallenj. Njerëzit e kanë kuptuar që këta, kemi ardhur në këtë pikë sepse ky kryeministër nuk e ka pasur për asnjë sekondë seriozisht luf tën kundër Covid-it.
Edhe kur katër muaj pas propozimit tonë e pranoi rimbursimin si koncept, faktikisht nuk ka dhënë para për të paguar faturat e kripura të cilat…
Cili është problemi? Në këtë mënyrë po fshihen kursimet e atyre që kanë pasur kursime ndërsa shumica e familjeve që po i kurojnë njerëzit e tyre në shtëpi po zhyten në borxhe. Dhe programi ynë për fat të keq, në këto kushte duhet t’i japë përgjigje dhe këtij problemi.
Në momentin që flasim, ka më shumë se dy javë që ekspertët tanë të financave, ekspertët tanë të shëndetit publik që bëjnë kalkulimet e vërteta, jo ato shifrat e rreme që jepen, me ndihmën edhe të ekspertëve të huaj që na kanë qëndruar pranë, me këshillë profesionale po shohim çfarë mund të bëjmë dhe çfarë do të bëjmë pas 25 prillit për të rimbursuar në mos plotësisht, të paktën pjesërisht dhjetëra, mijëra familje që janë zhytur në b orxh për të kuruar veten e tyre apo të dashurit e tyre.
Por ndërkohë ka dhjetëra, mijëra familje të tjera që janë zhytur në borxh dhe nuk dinë nga t’ia mbajë. Dhe atyre duhet t’ia them sot që më 25 Prill vota për ndryshim do të thotë votë për një qeveri që paratë i buxhetit nuk do ti çojë më, edhe në kohë pandemie, në një gr usht njerëzish, por do ti çojë te prioritetet kryesore që janë shëndeti, ekonomia, punësimi dhe dalja nga kriza 8 vjeçare, stanjacioni 8 vjeçar i kësaj qeverie që është edhe problemi kryesor i vendit. Që ne kemi një ekip ekspertësh të fushës sepse po të shikoni ata kanë munguar në krah të qeverisë dhe kanë qenë kryesisht në debat me qeverinë.
Fusha është epidemia, pandemia, pra, sëmundjet infektive, të cilët na kanë siguruar ekspertizë me lidhjet e tyre europiane, sikundër kemi siguruar përmes lidhjeve tona me institucionet europiane, katër ekspertë perëndimorë që po asistojnë programin tonë, ekipin tonë, në mënyrë që qeverisja e ardhshme të jetë në gjendje të përballë me shpejtësi, sfidën e sigurimit të vaksinave, të çertifikuara nga Bashkimi Europian, për të vaksinuar popullsinë”.
Fluturimet u ndërprenë për më shumë se 24 orë, ndërsa sot është ulur avioni i parë në aeroportin e Rinasit.
Sipas FlightRadar, mësohet se avioni i parë i ulur në pistës i përket kompanisë shqiptare edhe është nisur nga Stambolli.
Avioni i parë që u ul në pistën e Rinasit sot pasdite mësohet se solli sasinë e vaksinave të planifikuara kundër covid-19.
Mësohet po ashtu se disa nga kontrollorët shqiptarë të trafikut ajror që bojkotuan punën janë zëvendësuar me turq.
Ministria e Infrastrukturës dhe Energjisë bëri të ditur më herët gjatë ditës së sotme se kontrollorët do të zëvendësoheshin pasi ishin në negociata me vende të BE-së dhe Ballkanit.
Komiteti i Emergjencave Civile dha miratimin për zëvendësimin e tyre pasi kjo shkurton edhe procedurat e zëvendësimit e këtyre punonjësve.
Ndërkohë, tre nga kontrollorët që janë cilësuar si organizatorë të krizës, janë arrestuar dhe të shtunën pritet të dalin para gjykatës.
Urdhri i ndalimit u dha për Armando Fezgën, Flora Ndrecën dhe Muhir Mezinin, ndërsa 25 të tjerë pasi u morën në pyetje, u lanë më pas të lirë. /NOA.al
Takimet elektorale kryetari i Partisë Demokratike Lulzim Basha i zhvilloi sot në Lushnje, ku provoi edhe byrekun në një nga lokalet më me emër në këtë zonë.
Gjatë bashkëbisedimit me punonjëset, kryedemokrati tha se këtë lokal e ka një ndalesë të përhershme.
Stafi i lokalit i serviri kreut të selisë blu byrek me kos deleje.
“Si jeni? Punë e mbarë! Mirë se ju gjej dhe ju lumshin duart”, u tha Basha.
Kryedemokrati u ul në një nga tavolinat e lokalit ku porositi byrekët dhe kosin për drekë.
“Njerëzit nuk e dinë që unë e kam këtë stacionin ku ndaloj gjithmonë. Edhe kur jam në Durrës e Kavajë e marr rrugën dhe vij këtu vetëm për byrekun tuaj. Ju lumshin duart edhe qoftë 25 prilli një ditë fitoreje për ju dhe familjet tuaja. Që tua kthej shpresën të gjithëve, familjeve tuaja dhe gjithë Shqipërisë. Fitore të përbashkët!”, tha kreu i opozitës gjatë bashkëbisedimit me punonjëset në lokal.
Kryetari i Partisë Demokratike Lulzim Basha, ka qenë në Cërrik, në kuadër të fushatës elektorale për zgjedhjet e 25 prillit.
Basha theksoi se me Ramën kryeministër, qytetarët nuk durojnë dot më. Ai iu drejtua qytetarëve, duke thënë se duhet të votojnë ndryshimin, që Cërriku dhe mbarë vendi të ndjejë ndryshimin e shumëpritur.
“Të dashur qytetarë. E di se këta janë vite të vështira për Cërrikun dhe Shqipërinë. Jemi takuar në momente dr amatike për familjet tuaja. Rama vendosi që të rrisë çmimin e energjisë, mbaj mend takimin me ju pasi rriti çmimin e naftës, pastaj vendosi TVSH për bizneset e vogla, hoqi familjet nga ndihma ekonomike, shpunësoi baballarë dhe nëna pa pyetur për ta dhe fëmijët e tyre.
Tetë vite dë shtim, varfëri, papunësi, tetë vjet premtime që nuk i ka mbajtur. Sot, një njeri në pozitën e tij duhet të kishte vetëm dy fjalë në gojë, t’i thoshte çdo gjyshi, çdo gjyshe, çdo babai, nëne e fëmije “Më fal”. Rama ka shkatërruar familjet shqiptare, ekonominë. Tani po troket për herë të tretë, mos ia hapni derën. Fjalët që dëgjohen më shumë janë dy: nuk durohet më. Ndryshimi ndihet kudo, nuk durohet më. Mezi presim 25 prillin, për të sjellë ndryshimin e Shqipërisë. Bashkë për ndryshim, Cërriku fiton, Elbasani fiton, Shqipëria fiton”, u shpreh Basha./NOA.al
Frutat dhe perimet përmbajnë disa nga lëndët ushqyese më vitale për shëndetin tonë.
Nëse nuk i konsumoni në mënyrë të rregullt ju mund të keni mungesë vitaminash dhe mineralesh, të cilat mund të japin probleme.
Mësoni se cilat janë disa nga shenjat që trupi juaj ju jep në këtë rast.
Probleme me tretjen
Nëse nuk konsumoni mjaftueshëm fruta dhe perime, ju do të jeni më të prirur të zhvilloni probleme me tretjen të tilla si kapsllëku apo hemorroidet.
Frutat dhe perimet përmbajnë fibra dhe celulozë, të cilat parandalojnë problemet me tretjen.
Shtimi i peshës
Kur zëvendësoni ushqimet me shumë kalori apo yndyrë me perime apo fruta, trupi juaj do të shfaqë rezultatet.
Ekspertët e shëndetit thonë se sa më shumë fruta dhe perime të hani, aq më pak peshë fitoni.
Mund të shfaqet diabeti
Meqenëse shtimi i peshës është i lidhur me diabetin, rreziku rritet kur konsumoni ushqime të yndyrshme e të përpunuara.
Mbipesha është faktori kryesor i rritjes së rrezikut për diabetin e tipit 2. Ndaj një konsum i shtuar i perimeve dhe frutave mund të ulë kështu shfaqjen e tij.
Dhe nëse keni diabet, ushqimet si brokoli, lulelakra, domatet, patëllxhani dhe frutat, mund të ndihmojnë në rregullimin e niveleve të glukozës
Mund të rritet presioni i gjakut
Nëse konsumoni ushqime me shumë kripë, me shumë mundësi presioni juaj i gjakut do të rritet.
Një regjim ushqimor i pasur me lëndë ushqyese si kaliumi, kalciumi dhe magnezi, ndihmon në uljen e niveleve të kripë e kështu presionin e gjakut.
Rritet rreziku për t’u prekur nga sëmundjet e zemrës
Pjesërisht, për shkak të efektit të uljes së presionit të gj akut, konsumimi i frutave dhe perimeve, mund të zvogëlojë rr ezikun për sëmundjet e zemrës dhe go ditjeve në tru.
Një studim afatgjatë tregoi se rr eziku për të vd ekur nga sëmundjet kardiovaskulare, ulej me 4 % për çdo porcion frutash dhe perimesh që njerëzit hanë. /NOA.al
Tea dhe Bearti përfunduan romancën në ditëlindjen e saj por që arsyeja nuk është bërë publike. Përmes një videoje të publikuar, Tea tregoi disa detaje të ndarjes së saj me Beartin ku ky i fundit i reagoi dhe po vazhdon ende me replika. Ndërsa, Tea sapo ka postuar një fotografi e cila ka të bëjë pikërisht me Beartin duke iu drejtuar me një thënie.
“Hakmarrja më e mirë është të mos marrësh hak. Ec përpara. Je i lumtur. Gjej paqen e brendshme. Lulëzo”, është thënia që Tea e ka publikuar derisa e ka shoqëruar edhe me një mbishkrim: “Po, unë e di shumë mirë, po ti?”.
Ndryshe, sigurisht se pritet reagimi i Beartit lidhur me këtë postim të ish të dashurës së tij. /NOA.al
Në një njoftim të aeroportit të Rinasit thuhet se fluturimet e programuara rinisin nesër në mëngjes, ndërkohë që sot do të kryhen operimet për fluturimet humanitare, mjekësore dhe diplomatike.
Sipas njoftimeve zyrtare të shtetit shqiptar, fluturimet e programuara rifillojnë nesër në mëngjes, më 9 Prill 2021.
Njoftimi
Nesër në mëngjes rinisin fluturimet
Tirana International Airport njofton se fluturimet e programuara rinisin nesër në mëngjes, ndërkohë që sot do të kryhen operimet për fluturimet humanitare, mjekësore dhe diplomatike. Sipas njoftimeve zyrtare të shtetit shqiptar, fluturimet e programuara rifillojnë nesër në mëngjes, më 9 Prill 2021.
Ende nuk ka një orë të saktë për rifillimin e nesërm të fluturimeve. Sapo ta kemi si njoftim, do ta lajmërojmë menjëherë.
Pasagjerët e flydubai që kanë prerë biletën për në Dubai dhe e kanë fluturimin ditën e sotme, i bëjmë me dije ata dhe operatorët turistikë se udhëtimi do të kryhet nga nga aeroporti i Podgoricës dhe deri atje do të transportohen me autobuzë. Janë të lutur të paraqiten brenda terminalit të TIA-s për dhënien e dokumentacionit të nevojshëm për këtë udhëtim.
Njoftojmë gjithashtu se pasagjerët e itinerarit Dubai – Tiranë po me flydubai, se avioni do të ulet në aeroportin e Podgoricës sot në mbrëmje, me një parashikim 18.30 orë lokale, kështu që operatorët turistikë janë të lutur të kujdesen për transportin e tyre nga Podgorica në Tiranë me autobuzë.
Aeroporti Ndërkombëtar i Tiranës mbetet në shërbim të pasagjerëve dhe të çdo informacioni të saktë që është i vlefshëm për publikun.
