Kryeministri Edi Rama mbajti këtë pasdite fjalimin e fitores nga Sheshi Skënderbej, teksa tashmë numërimi i votave është drejt fundit dhe fituese ka dalë Partia Socialiste.
“Kjo është fitorja më e vështirë, më e madhe dhe më e bukur e PS. Me gjithë numrin marramendës të fletëve të pavlefshme, të atyre që kanë zgjedhur 12, por kanë gabuar me shenjën e preferencës, ne e kemi thyer rekordin tonë. Ky është rekordi historik i kësaj skuadre të madhe njerëzish të zakonshëm me fuqinë e jashtëzakonshme të ambicies për Shqipërinë dhe të një shpirti gare që nuk ka të dytë në këtë vend. Urime me gjithë shpirt dhe një përqafim të madh të gjithëve ju këtu dhe kudo.
Unë jam sot krenar si asnjëherë për ju, për cdo vajzë e djalë, grua e burrë, që u angazhua si patronazhist, koordinator, drejtues, në këtë fushatë spektakolare dhe që dha më të mirën e vet për skuadrën tonë, kampione në fuqi. Por, më shumë se asnjëherë jam krenar për shqiptarët, njerëzit e zakonshëm të këtij vendi, që me urtësi e vendosmëri, vendosën me votën e tyre në një moment kaq sfidues për Shqipërinë. Shqipëria votoi, Shqipëria vendosi, Shqipëria fitoi”, tha Rama.
Edhe për fshatin e Gërdecit është mbyllur procesi i numërimit të votave.
Rezultati mësohet se ka nxjerrë fituese Partinë Socialiste.
Fshati i ndodhur në periferi të Tiranës, i prekur edhe nga tr agjedia e 15 marsit 2008, me një numër prej rreth 200 votuesish ka dhënë këtë rezultat: 108 prej tyre kanë votuar PS, 63 kanë votuar PD dhe 28 kanë votuar LSI-në.
Në tr agjedinë e Gërdecit të pak viteve më parë, ku shp ërtheu një depo e demontimit të ar mëve, hu mbën jetën dhe u pl agosën me dhjetëra njerëz.
/NOA.al
Kryeministri Edi Rama është drejt konfirmimit zyrtar të mandatit të tretë qeverisës pa pasur nevojë për asnjë parti tjetër në koalicion. Kur janë numëruar rreth 00% të kutive të votimit në të gjithë vendin, PS ka fituar e vetme 73 mandate deputetësh.
Nëse do të vijohet me këto kuota, atëherë Partia Socialiste do të mund të formojë e vetme qeverinë e 4 viteve të ardhshme.
Partia Socialiste, sipas rezultateve të deritanishme, qëndron në kuotat e zgjedhjeve të vitit 2017 kur PS mori për herë të parë e vetme pa asnjë koalicion.
Nga ana tjetër, ka një rritje të Partisë Demokratike. Sipas rezultateve të deritanishme, Partia Demokratike shkon pak më shumë mandate (60) aq sa mori në zgjedhjet e 2013-ës kur humbi pushtetin. Por nëse e krahasojmë me rezultatet e 2017 kur PD mori vetëm 43 mandate, ka një rritje me 16 mandate. PD rikuperon rreth 4 mandate në qarkun e Tiranës, i cili është edhe qarku që prodhon më shumë mandate, 36 të tilla.
Por ndryshe nga dy partitë kryesore në vend, Lëvizja Socialiste për Integrim ka shënuar një rënie të ndjeshme në rang kombëtar, por edhe duke nisur nga kryeqyteti i cili është qarku më i madh.
Në zgjedhjet e kaluara LSI mori 5 mandate në Tiranë, ndërsa sipas rezultateve të deritanishme, në Tiranë LSI merr vetëm dy deputetë. Surprizë në kryeqytet është edhe Partia Socialdemokrate, e cila rezulton se fiton një mandat.
Qarku i Elbasani ka rezervuar gjithashtu surpriza në këto zgjedhje. Kemi një rritje të të dyja partive kryesore në Elbasan. Mbetet bosh LSI, që në zgjedhjet e parafundit fitoi 2 mandate.
Ndërkohë, në qarkun e Vlorës vërehet që mbrojtje e mandateve të zgjedhjeve të 2017-ës me 8 mandate, ndërkohë vërehet një rritje me një mandat në radhët e Partisë Demokratike. Pas mbylljes së numërimit të kutive në Vlorë, LSI ka mbetur pa mandat në këtë Qark.
Kryeministri Edi Rama ka ftuar të gjithë shqiptarët që ti bashkohen gjatë pasdites së sotme në sheshin Skënderbej, ku duket se do të shpallë fitoren e Partisë Socialiste në zgjedhjet e 25 Prillit.
Rama shkruan se në sheshin Skënderbej në orën 18:00 do të jetë së bashku me patronazhistët, koordinatorët, drejtuesit dhe deputetët, dhe të gjithë qytetarët që duan ti bashkohen fitores.
RAMA: Sot në 18.00, në Sheshin Skënderbej, skuadra kampione e patronazhistëve, koordinatorëve, drejtuesve, deputetëve dhe kush të dojë të na bashkohet për përqafimin e fitores
Një numër i madh votash kanë rezultuar të pavlefshme deri në këto momente të numërimit të votave të qytetarëve shqiptarë të thirrur për të votuar më 25 prill për parlamentin dhe qeverinë e re.
Deri tani janë 1 milion e 354 mijë e 674 vota të vlefshme, teksa janë shpallur të pavlefshme nga numëruesit 72 mijë e 452 vota.
Një shifër relativisht e lartë duke parë numrin e votave të vlefshme dhe pjesëmarrjen e qytetarëve në votime deri në këto momente.
Ndërkohë që ende nuk dihet zyrtarisht se sa është pjesëmarrja në zgjedhje, të thirrur për të votuar ishin 3 milionë e 600 mijë shqiptarë me të drejtë vote. /NOA.al
Kryeministri Edi Rama ka bërë reagimin e tij të parë, pas numërimit të më shumë se 85% të kutive të votimit, që i japin Partisë Socialiste 72 mandate në rang vendi.
Teksa poston një foto dhe një shprehje të basketbollistit të njohur Michael Jordan, Rama shkruan se në jetë duhet të punosh fort që të mund tia dalësh, dhe se nuk mund të ketë rrugë të shkurtra për të mbërritur në finish.
Rama: MIRËMËNGJES! Po punove fort ia del. S’ka rrugë të shkurtra në jetë – Michael Jordan
Kur janë numëruar 4653 qendra votimi nga 5199 që janë në total, PS ka marrë 48.66 % të votave në rang kombëtar, PS ka marrë 39.37 % dhe LSI 6.91%, ndërsa PSD e Tom Doshit 2.2%.
E përkthyer në mandate deri në momentet që flasim PS ka siguruar 72 të tillë, PD 59, LSI 6 dhe PSD 3. /NOA.al
As ak uzat për ko rrupsion, as kriza ekonomike, as 8 vitet në krye të qeverisë së Shqipërisë, një nga vendet më të va rfra në Evropë, nuk i kanë shkaktuar asnjë dëm kryeministrit socialist, Edi Rama, fitues i zgjedhjeve për të tretën herë me radhë, një rekord historik që nga rënia e ko munizmit.
Partia Socialiste (PS), e udhëhequr nga Rama që nga viti 2005, fitoi këtë të Diel me 48.8% të votave, sipas vëzhgimit të më shumë se gjysmës së votave të shpallura sot nga Komisioni Qendror i Zgjedhjeve (KQZ).
Nëse ky rezultat ruhet deri në fund të numërimit, Rama do të arrijë të formojë i vetëm qeverinë, duke zënë 75 nga 140 vendet që përbëjnë Parlamentin, madje një më shumë se në zgjedhjet e 2017.
Një menaxher i mirë i kr izës
Analistët e lidhin triumfin e tij me menaxhimin e mirë të pandemisë dhe fushatës së vaksinimit, përveç përpjekjeve të rindërtimit pas të rmetit 2019, i cili la 51 të vde kur dhe mijëra të pastrehë.
Rama, një piktor dhe ish basketbollist, siguroi vaksina për Shqipërinë, pavarësisht mungesës fillestare të solidaritetit nga Bashkimi Evropian (BE). Ai udhëtoi në Shtetet e Bashkuara për t’u takuar me Pfizer, me të cilin negocioi për gjysmë milioni doza, por i realizoi me Turqinë, për të siguruar mbërritjen e vaksinës kineze në Shqipëri.
Me nivele të ulëta të infeksioneve dhe shtrimeve në spital dhe një fushate të shpejtë vaksinimi – rreth 400,000 njerëz, nga një total prej 2.8 milion banorë që mbajnë dozën e parë të vaksinës – Shqipëria është në krye të lu ftës kundër pandemisë në Ballkan, duke mbetur vetëm pas Serbisë.
Në vendin e dytë del Partia Demokratike (PD) që kryeson koalicionin opozitar “Aleanca për Ndryshim” me 39.3% të votave. Edhe pse nuk ia ka arritur qëllimit të tij për t’u rikthyer në pushtet pas 8 vitesh në opozitë, votuesit e kësja partie janë rritur. Sipas të dhëna të deritanishme do t’i jepnin PD-së 58 vende në Kuvend, 15 më shumë se në vitin 2017.
Kreu Lulzim Basha pretendoi fitoren dhe siguroi se rezultatet e para janë për shkak të faktit se vetëm fletët e votimit nga bastionet socialiste janë numëruar.
H umbësi i madh në këto zgjedhje është Lëvizja Socialiste për Integrim (LSI), e udhëhequr nga gruaja e presidentit të vendit, Ilir Meta, partia e së cilës ndodhet në vendin e tretë me 7% të votave, gjysmën e asaj që mori në 2017. Kjo forcë besohet se ka hu mbur rolin e saj pasi ka parë një ikje votash drejt PD.
Këto formacione opozitare u larguan nga Parlamenti dhe bojkotuan zgjedhjet lokale të 2019, duke ak uzuar Ramën për mashtrim elektoral, korrupsion dhe lidhje me krimin e organizuar. Në muajt e fundit ata kanë inkurajuar pro testa të dhu nshme anti-qeveritare dhe fushata është shoqëruar nga i njëjti tension, i cili çoi në një të vde kur dhe katër të pla gosur të mërkurën e kaluar, në një të ngjarje që besohet se lidhej me shitblerjen e votave.
Të gjithë sytë janë tani në numërimin e votave, të cilat KQZ parashikoi të Dielën pasdite se procesi mund të zgjasë deri në 48 orë, por tashmë është ngadalësuar nga bllokimi i disa prej atyre që janë të ngarkuar me kryerjen e tij, pasi disa përfaqësues të partive pretendojnë lodhje .
Derisa rezultati të jetë përfundimtar, askush nuk do ta pranojë humbjen në një vend ku kjo rrallë-erë ndodh, përkundrazi. Ndërkohë, bashkësia ndërkombëtare ka kërkuar durim dhe respekt nga sondazhet dhe shefja e misionit vëzhgues të OSBE-së, Urszula Gacek, siguroi se vlerësimi i saj është se procesi zgjedhor ka qenë “i suksesshëm” dhe, deri tani, “në përgjithësi transparent dhe i qetë ” Përveç kësaj, ai kërkoi që ak uzat e tregtisë së votave, dhunës në fushatë dhe presionit mbi administratën publike të he tohen.
Sipas Komisionit Zgjedhor, megjithë fr ikën e infektimit, më shumë se 48% e 3.6 milion shqiptarëve të thirrur për të votuar shkuan në qendrat e votimit këtë të Dielë, një shifër ende e përkohshme.
Mbajtja e zgjedhjeve të lira dhe transparente është një nga kushtet për hapjen e negociatave të pranimit të Shqipërisë në BE.
