Andueli

Kryeministri Edi Rama ka paralajmëruar spastrime në administratën publike, për të gjitha ato raste abuzive ku ka ndikim politika por edhe interesat personale.

Gjatë fjalës së tij në një takim me deputetët e zgjedhur të PS-së në zgjedhjet e 25 prillit, kreu i shtetit tha se të gjithë duhet të pedalojnë në një drejtim.

“Ulja e taksës mbi pagat mes 1.2-2 mln leke nga viti i ardhshëm. Rritja e pagës minimale, deri në 400 mijë lekë brenda mandatit të tretë. Duke vazhduar me ndërtimin e porteve dhe aeroporteve të reja. Do kenë nisur të tëra brenda qershorit të vitit të ardhshëm.

Na duhet forco e re për të realizuar revolucionin. Do pastrojmë administratën nga ata që janë turpi i shtetit, i joni, i vendit. do hapet rrugë e mundësi për çdo vajzë e djalë që do punësim. Dëshiroj shumë që të gjithë ju së bashku me mua të pedalojmë në të njëjtin drejtim, pa u lodhur dhe pa humbur durimin se askush mos të pengojë, por të kontribuojë e vullnet të mirë që administrata të çlirohet nga kthetrat e interesave politike dhe që fytyra jonë mos të njolloset në vazhdimësi, për shkak të atyre që përfitojnë nga interesat e këtyre kthetrave politike dhe s’bëjnë asgjë tjetër, veçse shohin xhepin e tyre.

Dua tu shpreh me gjithë zemër mirënjohjen time, për besimin e palëkundur dhe mbështetjen e pa rezervë që më dhatë për të vazhduar këtë objektiv historik. Është arritje fantastike por ndryshe nga sporti ku futorja e një kompeticioni, por fitorja në politikë është fillimi i një pune të re. Kemi qenë dhe jemi sot e gjithë ditën forca e ndryshimit. Kush do ndryshim të mëtejshëm është PS. Kjo nuk ka ardhur për inerci, por qysh në lindje të kësaj force politike ne kemi bekimin e një shtyse të ndryshimit në ADN”, tha Rama./NOA.al

Kryeministri Edi Rama ka mbledhur sot deputetët aktualë dhe të zgjedhur të PS në Pallatin e brigadave ku ka folur për atë çfarë e pret Partinë Socialiste në mandatin e tretë.

Rama i ka mbyllur derën Presidentit të Republikës Ilir Meta dhe LSI-së, duke theksuar se nuk do të ketë asnjë bashkëpunim, teksa nuk i ka kursyer dhe akuzat ndaj tij.

“Këtë mandat do të kushtohemi për ta qytetëruar sa më shumë të mundemi mjedisin politik dhe për të afruar talente politikë. Do iu kushtojmë rëndësi të rinjve. Tre prioritet kyçe për qeverinë. PS duhet dhe do të fuqizohet dhe në një krah të munguar deri sot një akademi politike të menaxhimit dhe lidershipit për të rinjtë.

Mesazhi i mi tretë për gjithë opinionin publik. Me Ilir Metën dhe partinë e tij nuk ka e s’do ketë asnjë bashkëpunim. Do shkarkohet nga detyra. Një personazh grotesk që e turpëron shoqërinë, Shqipërinë me praninë e tij në krye të shtetit. Shkarkimi i Ilir Metës nuk është i gjithi në dorën tonë, por do bëjmë gjithçka kemi në dorë për ta çmi nuar institucionin e Presidentit duke e votuar në bllok shkarkimin”, deklaroi Rama.

Ai tha se s’ka asnjë qëllim tjetër, përveç pozicionim në krah të shoqërisë. Për emrin e Presidentit të ri, ai tha se ndonëse është shumë herët PS do të konsultohet me PD për këtë çështje. “Është shumë herët për të folur për zëvendësimin e tij por në çdo rast qoftë para kohe, qoftë në kohë ne do konsultohemi me PD për emrin e presidentit të ri. PS ka mundësinë historike që në mandatin e tretë ta çojë Shqipërinë në një nivel tjetër”, deklaroi Rama./NOA.al