Kina po shton përpjekjet e saj për të zgjidhur problemin alarmues të mungesës së shtretërve nëpër spitale, në epiqendrën e pneumonisë virale, ku bilanci ka kapërcyer sot 560 viktimat, ndërkohë që në vende të tjera të Azisë po përforcohen masat drastike të karantinës.
Fatkeqësisht, 28 000 persona janë prekur nga koronavirusi i ri në mbarë Kinën, kurse jashtë vendit, 20 shtete kanë konfirmuar raste të infektimit me koronavirus.
Dy javë pas vënies në karantinë të qytetit Wuhan dhe më pas të një pjese të madhe të provincës së tij, Hubei, sistemi shëndetësor vendas vazhdon të jetë i mbingarkuar nga fluksi i pacientëve.
Spitali i ndërtuar në kohë rekord, brenda 10 ditësh dhe me kapacitet prej 1 000 shtretërish, priti të martën pacientët e tij të parë, ndërkohë që një i dytë, i të njëjtit lloj, me një kapacitet prej 1 600 shtretërish, pritet të nisë sot nga funksionimi. /atsh
