[sgmb id=”1″]
Zbardhet ngjarja e mbremshme ne Tirane dhe arrestohen dy autoret qe plagosen me arme dy persona ne rrugen “Sabaudin Gabrani”
Policia njofton zyrtarisht se ka arrestuar dy te rinjte, Jurgen Shakri 25 vjeç dhe Xhenis Vrapi 27 vjeç, te dy banues ne Tirane dhe ka shpallur ne kerkim 4 të tjerë.
Në datë 11.07.2017, rreth orës 23:29, në numrin e Emergjencave 112 u njoftua për 2 shtetas të plagosur me armë zjarri në rrugën “Sabaudin Gabrani”.
“Nga veprimet e kryera ka rezultuar se shtetasit F.F. 25 vjeç dhe E.F. 25 vjeç, duke udhëtuar me mjetin tip “Wolksvagen Golf”, janë konfliktuar për motive të dobëta me shtetasit M.Gj., 25 vjeç dhe Xh.V., 25 vjeç”-njofton policia.
Sipas saj, konflikti ka percipituar deri në përdorimin e armëve të zjarrit ndërmjet tyre. Për pasojë kanë mbetur të plagosur dhe ndodhen në spital jashtë rrezikut për jetën shtetasit Xh.V., 25 vjeç dhe dhe J.G., 27 vjeç.
Policia sekuestroi në cilësinë e provës materiale 8 gëzhoja, 4 automjete të përdorura nga autorët dhe 2 telefona.
“Shërbimet e policisë kanë arrestuar shtetasit: – Jurgen Shakri 25 vjeç banues në Tiranë – Xhenis Vrapi 27 vjeç, banues në Tiranë për veprën penale ” Moskallëzim i krimit” , parashikuar nga neni 300 i Kodit Penal”- theksohet me tej.
Vazhdon puna për gjetjen dhe vënien para përgjegjësisë ligjore të 4 personave të shpallur në kërkim.
