Në Ditën e Tokës, gjimnazistët e dy shkollave në Prishtinë dhe në Tiranë kanë zhvilluar një aksion pastrimi në malin e Dajtit.
Nxënësit e gjimnazeve “Qemal Stafa” në Tiranë dhe “Xhevdet Doda” Prishtinë, në kuadër të shkëmbimit kulturor midis 2 vendeve, pastruan vullnetarisht mbeturinat që qytetarët kanë lënë në malin e Dajtit pasi kanë bërë piknik.
Dita e Tokës i kushtohet planetit tonë. Me disa veprime të thjeshta, çdokush mund të bëjë diçka për planetin në këtë ditë, ashtu si edhe gjimnazistët e shkollave nga Tirana dhe Prishtina.
Pjesa më e rëndësishme është mbajtja pastër e mjedisit, ndërkohë që nuk duhen përdorur qese plastike.
Edukimi i brezit të ri me sjellje miqësore ndaj mjedisit është investimi afatgjatë në Ditën e Tokës. /j.p/
