[sgmb id=”1″]
Nje ngjarje e rëndë raportohet nga Durrësi, ku sherret nuse-vjehrrë për pak përfunduan në tragjedi.
Policia e Durrësit njofton se ka arrestuar shtetasen 19-vjeçare, Elda Tanushi, banuese në Shikaj. Sipas policisë, kjo shtetase u denoncua nga vjehrra e saj, A.S, 42-vjeçe, e cila e akuzon se tentoi ta vriste me helm.
Policia bën me dije se dy ditë më parë nusja e djalit ka tentuar ta vrasë (helmojë) duke i hedhur në një gotë me kos një sasi helmi që përdoret për insektet (Akravil).
“Shtetësia e mësipërme ka marrë mjekim në spitalin e Shijakut pa probleme për jetën”- njofton policia.
Deklarata e policise
Specialistët e Sektorit për Hetimin e Krimeve të Rënda në Drejtorinë Vendore të Policisë Durrës arrestuan në flagrancë shtetasen:
• Elda Tanushi 19 vjeçe, banuese në Likesh, Shijak. Më datë 01.07.2017, ka bërë kallzim shtetësia A. S. 42 vjeçe, banuese në Likesh, Shijak, pasi më datë 30.06.2017, në banesën e saj, në Likesh, Shijak, nusja e djalit ka tentuar ta vrasë (helmojë) duke i hedhur në një gotë me kos një sasi helmi që përdoret për insektet (Akravil).
Shtetësia e mësipërme ka marrë mjekim në spitalin e Shijakut pa probleme për jetën.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale” Vrasja me paramendim” e mbetur në tentativë parashikuar në nenin 78, 22 të Kodit Penal.
