[sgmb id=”1″]
Një grua e moshuar është gjetur e vdekur në banesën ku jetonte në kryeqytet, një ditë më parë.
Siç bëjnë me dije burime zyrtare nga policia, viktima është L.Q., 61 vjeçe, e cila ka vdekur në banesën e saj në rrugën “Riza Cerova”. Sipas informacioneve paraprake, e moshuara jetonte e vetme në banesë dhe vuante nga diabeti e depresioni.
Për të mësuar më tepër mbi ngjarjen, pritet ekspertiza mjeko-ligjore, për përcaktimin e shkakut të vdekjes.
Policia ka nisur hetimet, ndërsa materialet hetimore i kaluan Prokurorisë se Rrethit Gjyqësor Tiranë për vlerësim.
