Historiani shqiptar Arben Llalla që ka studiuar marrëdhëniet shqiptaro-greke është shprehur se kanë qenë banorët e Bularatit që kanë njoftuar policinë shqiptare.
Në një lidhje live nga Tetova, Llalla tha për gazetarin Alen Xhelili se në Bularat kanë mbërritur eksponentë ekstremistë të Agimit të Artë.
‘Ministri Ditmir Bushati dhe Nikos Kotzias kanë nënshkruar një marrëveshje që të festohet çdo 28 tetori.
Kostandinos Kacifas ka provokuar në fshat dhe ka qëlluar me armë. Dikush nga Bularati apo nga policia sekrete ka njoftuar policinë shqiptare për këtë situatë të pakëndshme.
Duhet të sqarojmë se, kanë qenë banorët e Bularatit ata që kanë njoftuar policinë.
Unë mbrëmë në mediat greke kam parë që ekstremistë të Agimit të Artë kanë mbërritur në Bularat.
Ata kanë qenë në shoqërinë e personave ekstremistë’, është shprehur historiani Arben Llalla për SYRI.net.
