Dje, rrjeti social Facebook ofroi më shumë informacion rreth hakimit të muajit të kaluar.
Në fillim u tha se 50 milion përdorues ishin prekur ndërsa tani kompania tha se vetëm 30 milion në të vërtetë kanë rënë pre e sulmit.
Duke shfrytëzuar një keqfunksionim të platformës, sulmuesit kanë arritur të vjedhin çelësat dixhitale të kyçjes për 30 milion përdorues.
Facebook nga dita e sotme ka nisur të njoftojmë të gjithë të prekurit dhe këtë mund ta beni edhe manualisht permes kësaj lidhjeje.
Të prekurit ndahen në tre kategori: 15 milion përdoruesve u vodhën emrat dhe informacionet e kontaktit ndërsa për 14 milion të tjerë u vodh thuajse çdo gjë që nga emrat e përdoruesve, gjinia, vendndodhja, gjuha, marrëdhëniet, feja, vendlindja, qyteti ku banojnë, datëlindja, edukimi, puna, vendet që kanë vizituar, uebsajtet, njerëzit dhe faqet që kanë ndjekur, kërkimet e fundit dhe pajisjet e përdorura për të hyrë në Facebook.
Për një milion të tjerë, edhe pse çelësat u ishin vjedhur, sulmuesit nuk kanë aksesuar asnjë informacion të tyre.
Facebook do të njoftojë individualisht secilin përdorues të prekur dhe çfarë informacioni rreth tyre është ekspozuar, raporton PCW.
