[sgmb id=”1″]
Një krim i rëndë ka ndodhur në orët e mesnatës së djeshme në Alba Adriatika, ku një shqiptar ka masakruar me thikë një të ri rom.
Siç shkruajnë edhe mediat italiane, ngjarja ka ndodhur kur Manuel Spinelli 22 vjeç kishte dalë me miqtë e tij në një prej lokaleve të zonës.
Në një moment kur ai kishte dalë jashtë një makinë kishte ndaluar para këmbëve të tij dhe një i ri e ka qëlluar me thikë disa herë.
Ai është dërguar për në spital, por nuk ka mundur të mbijetojë. Disa orë më pas, policia thotë se ka ndaluar si autor të dyshuar, një 27-vjeçar.
Nga të dhënat e para dyshohet se krimi ka ndodhur për shkak të një vajze, por nuk përjashtohen edhe pistat e tjera që po i heton policia.
