Kristiano Ronaldo ka qenë në qendër të vëmendjes në javët e fundit rreth një skandali të mundshëm që po qarkullon në lidhje me një përdhunim që ai mendohet të ketë kryer në vitin 2009 në Las Vegas ndaj një gruaje, shkruan Shkodranews.
E pyetur në Radio Rai në lidhje me këto akuza, ish e dashura e yllit portugez Raffaella Fico, ka një tjetër qëndrim duke e vlersuar maksimalisht 33-vjeçarin, shkruan Shkodranews.
“Unë kam qenë e lidhur për 11 muaj me Cristiano Ronaldon, në kohën kur ai luante me Manchester United. Ato ishin 11 muaj dashurie. Ronaldo është një djalë i thjeshtë, dhe i qetë. Me mua ishte një zotëri i vërtetë”, u shpreh Raffaella Fico.
Portugezi ka hedhur poshtë pretendimet e ngritura ndaj tij duke i cilësuar si lajme të rreme.
Gjithashtu, Ronaldo ka zhvilluar dhe një takim “sekret” me avokatët e tij në Lisbonë për këtë çështje.
Sot u raportua se, janë edhe tri femra të tjera, përveç Kathryn Mayorga, të cilat akuzojnë për abuzim seksual yllin portugez, shkruan Shkodranews. /Shkodranews/
