Rexhep Rraja dhe babai i tij Rrahman Rraja për kryeministrin Rama janë viktimat e dosjes “Maloku”, ndërsa autorët e krimit janë mediat dhe portalet.
Xhisiela Maloku për Ramën është aktore.
Rama dhe shpura e tij në Nikël, këto ditë po përpiqen që të lirojnë nga qelia Rexhep Rrajën.
Po transportojnë Xhisielën studio më studio televizive ku ajo të japë versionin që u intereson.
Ndërkohë nga të dhënat që disponon “Pamfleti” Xhisiela Maloku është çuar nga banda Rraja, që ka mbështetjen politike të Ramës, edhe tek një noter në Durrës, ku ka dhënë pëlqimin për lëshimin e një deklarate noteriale se të gjitha ato që ka thënë në prokurori janë të pavërteta dhe se me Rexhep Rrajën dhe familjen e tij tashmë janë bërë miq.
Po kështu të dhënat e mbledhura tregojnë se gjatë këtyre ditëve Xhisiela Maloku ka shkuar dhe në ambjentet e paraburgimit të Durrësit, ku ka zhvilluar një takim me Rexhep Rrajën, vetëm e vetëm për t’i kërkuar falje këtij të fundit dhe për t’i premtuar se do ishte me të në sallën e gjyqit, kur ajo të dilte si dëshmitare në proces.
Tashmë të gjitha palët si Artur Bushi, komisariati i Fushë-Krujës, vetë Rexhep Rraja dhe Rrahman Rraja, janë përgatitur për të liruar nga qelia Rexhepin sapo ai të dalë në gjykatë si i pandehur për akuzën e “Përndjekjes”.
Madje disa informacione nga burgu thonë se Rraja pas këtij arrestimi është mjaft i angazhuar dhe i motivuar për të marrë pjesë në fushatën elektorale që do fillojë për zgjedhjet lokale dhe të mbështesë kryebashkiakun e Krujës Artur Bushi.
Një fjalë e urtë popullore thotë: “Selanik e tatëpjetë siç ka qenë do të jetë…”./Pamfleti
