Xhisiela Maloku është sot në qendër të vëmendjes të opinionit publik, duke u shfaqur tashmë me figurë dhe zë në disa nga emisionet më të ndjekura televizive. Xhisiela Maloku ka mohuar veten e saj pasi ndryshe nga denoncimi ne polici, në rrëfimin në media ajo mohon se është dhunuar.
I menjëhershëm ka qenë reagimi nga ana e PD, nëpërmjet Albana Vokshit. Sipas saj kriminelët, po e detyrojnë vajzën të fajësojë veten.
“Tmerr!!
Në c’vend jetojmë kur viktima, edhe në urdhër mbrojtje, vazhdon të dhunohet. Madje e detyrojnë të fajësojë veten, sepse kriminelët e vërtetë mbrohen nga Rama.
Ndihma që mund t’i japim secili, është të ngremë zërin ne për të”,shkruhet në reagimin e Vokshit.
Anila Hoxha gazetarja e cila shoqëroi Eni Vasilin për intevistën me Xhisiela Malokun, kur Vasili pyeti në e beson versionin e Xhisielës, i tha:
“Ne ishim bashkë për këtë intervistë. Kur e pyetëm me çfarë erdhe te ne për intervistën (intervista u bë në Durrës) ajo tha erdha me taksi! Por ne e pamë dhe duhet t’ja themi të gjitha publikut. Xhisiela nuk erdhi me taksi. Erdhi me makinë dhe me të ishin një grup personash. Apo jo?! Madje ne të dyja nisëm të shqetesoheshim në kishte shkuar mirë në shtëpi”, tha Anila Hoxha.
