[sgmb id=”1″]
Krimi në familje tronditi sërish opinionin shqiptar, dhe këtë radhë vrasja u shënua në Itali ku viktimë mbeti një 52-vjeçare nga Durrësi.
Bashkëshorti i saj 62-vjeçar Muhamet Vrapi vrau gruan, Dianën, nënë e tre fëmijëve, duke e goditur 15 herë me thikë në trup. Familja jetonte prej vitesh në Itali. Ndërsa krimi është pranuar nga bashkëshorti vrasës, autoritetet italiane kanë nisur hetimet për të zbardhur shkaqet e kësaj vrasje makabre. Problemet në çiftin shqiptar kishin lindur së fundi ku gruaja ishte detyruar të largohej për disa ditë nga shtëpia duke shkuar në banesën e një prej djemve të saj, edhe ai në Itali.
Edhe pse djali i kishte thënë të mos shkonte e vetme në shtëpi tek bashkëshorti i saj dhe babai i dy djemve dhe një vajze, Diana shkoi për të mos dalë më e gjallë. 52-vjeçarja shkoi sërish në banesë pas insistimeve të burrit 62-vjeçar për të zgjidhur situatën problematike mes tyre, që fatkeqësisht përfundoi në mënyrë tragjike. Megjithë problemet që kanë shoqëruar çiftin shqiptar, nëse i hedh një sy profilit në Facebook të së ndjerës, aty shihen foto familjare që shfaqin mjaft lumturi mes tyre. Madje në një dedikim të ndjerë në nëntorin e vitit 2016, ajo e konsideron Muhametin, një baba dhe bashkëshort special. Më poshtë, urimi që Diana i kishte bërë për ditëlindje (në gjuhën italiane).
“Sot është një ditë speciale për dashurinë time. I dashur ti je një baba dhe bashkëshort special, të dua dhe do të dua gjithë jetën të uroj edhe mijëra ditë të tjera të lumtura” shkruante Diana.
