Ish-sulmuesi i klubit të Serisë A italiane Cagliarit, Krystian Popiela, ka humbur jetën në moshën 20-vjeçare në një aksident me makinë.
Sardegna Sport raporton se Popiela vdiq në një aksident me makinë të dielën në mbrëmje. Ai e kishte humbur kontrollin mbi makinën e tij Wolkswagen Passat dhe ishte përplasur në një rrethojë mbrojtëse në Poloni, vendin e tij të lindjes.
“Cagliari është thellësisht i pikëlluar nga ky lajm tragjik për vdekjen e të riut Krystian Popiela, i cili ishte vetëm 20 vjeç”, thuhet në një komunikatë të Cagliarit.
“Popiela mbërriti në Sardinia në moshën 17-vjeçare, duke debutuar për Primaverën në janar të vitit 2016”, thuhet më tej në komunikatë.
Kjo është tragjedia e dytë që e godet Cagliarin këtë vit, pas vdekjes së Davide Astorit.
