Ministri i Brendshëm, Fatmir Xhafaj ka paralajmëruar shkarkime të drejtuesve të policisë ne qarqe nëse nuk zbardhen ngjarjet kriminale të kohëve të fundit. Ministri i Brendshëm, ka zhvilluar një mbledhje urgjente me drejtuesit e policive të Tiranës, Elbasanit, Durrësit, Vlorës e Shkodrës.
Paralajmërimi i Xhafës vjen pas vrasjes së biznesmenit në Shkodër dhe plumbave ndaj banesës së gazetares Klodiana Lala. Në këtë mbledhje mësohet se Xhafaj u ka bërë thirrje drejtuesve të policisë të ndërmarrin masa të ashpra reaguese.
Thelbi i takimit ishte apeli për angazhim maksimal në funksion të luftës ndaj krimit, duke u referuar tek ngjarjet e fundit. Xhafaj kërkoi nga Drejtori i Përgjithshëm Ardi Veliu, largimin nga Drejtorite Vendore apo Policia Kriminale te efektivëve te paafte dhe për te cilët ka indicie për implikim.
”Ndryshoni situatën për ngjarjet kriminale në Shkodër dhe qytetet e tjerë. Nëse nuk ka rezulate largoheni në muajin tetor”- ka thënë Xhafaj.
