Kapet në Itali një skaf me 550 kg marijuanë që vinte nga Shqipëria. Lënda narkotike kap vlerën e 5 milion eurove. Skafi më drogë u kap në Brindisi, pas një operacioni të zhvilluar nga policia shqiptare dhe Guardia di Finanza e Pulias.
Ndërsa në pranga kanë rënë një shqiptar dhe një italian. Trafikantët e arrestuar janë të moshës 29 dhe 33 vjeç.
Njoftimi i policisë së shtetit:
Policia e Shtetit dhe forcat policore italiane në veçanti Guardia di Finanza e Pulias kane finalizuar nje tjeter operacion duke goditur tentativen per trafik narkotikesh drejt Italise.
Autoritetet arrestuan 2 trafikantet, nje shtetas italian me iniciale Ë.F. dhe shtetasi shqiptar me iniciale V.B.
Ne Brindizi u kap dhe sekuestrua skafi me te cilin u tentua te trafikohej droga, si dhe 550 kg marijuane.
Aktivizuar edhe ne kete rast bashkëpunimi tashmë i konsoliduar operativ dhe informativ me autoritetet e Policise shqiptare nëpërmjet nuklit të kufirit detar të Guardia di Finanza dhe zyrës së ndërlidhjes së Policisë shqiptare në Itali.
