Mirela, është efektivja e cila përmes faqes zyrtare të Policisë së Shtetit ka një mesazh për të gjithë drejutesit e mjeteve. Efektivja e Patrullës së Rendit në Komisariatin nr.1, në kryeqytet është prezantuar sot duke thënë se qëllimi nuk është të vendosim gjoba, por as të heshtim për shoferët që i parkojnë makinat, duke u bërë pengesë dhe burim aksidentesh për të tjerët.
Mirëmëngjes nga Policia e Shtetit!/ Jam Mirela, efektive e Patrullës së Rendit në Komisariatin nr.1, në kryeqytet.Nuk është qëllimi ynë të vendosim gjoba, por nuk mund të “mbyllim” sytë për shoferët që i parkojnë makinat duke u bërë pengesë për të tjerët, apo aty ku tabela e ndalon.Na njofto dhe ti, për një mjet të parkuar gabim apo çdo shkelje tjetër përmes aplikacionit ‘Komisariati Dixhital’ apo në numrin falas 112!
