Lulije Abiu është vetëm 31 vjeçe, por deri tani ka sjellë në jetë plotë tetë fëmijë. Ajo është nënë e 5 djemve dhe 3 vajzave, të cilët gëzojnë shëndet të plotë.
Ka qenë 21 vjeçe kur ka sjellë në jetë fëmijën e parë dhe që prej asaj kohe asnjëherë nuk ka abortuar. Bashkëshorti i saj kërkon të ketë dhjetë fëmijë, ndaj, siç thonë, nuk do të ndalen pas fëmijës së tetë.
Siç mëson ABC News, gruaja që jeton në Lushnje e ka sjellë në jetë fëmijën e tetë në shtëpi dhe nuk ka pasur aspak frikë.
Ajo shprehet para kamerave:
“Kjo lindja e tetë ka qenë shumë e kollajtë. E kam lindur në shtëpi dhe unë kam ardhur e lindur këtu”.
Lulija është nga Kukësi, ndërsa bashkëshorti i saj nga Dibra e prej disa vitesh jetojnë në një fshat në Lushnje.
Sa i takon shëndetit të fëmijëve, fatmirësisht të gjithë gëzojnë shëndet të plotë dhe Lulija tregon se sekreti qëndron në ushqimin me qumësht gjiri.
