Shumëkush ka mbetur i habitur me qëndrimin e gjatë të Presidentit të Republikës Ilir Meta në Veri të vendit, ku i ka rënë disa herë kryq e tërthor nga Shkodra, Shkreli, Boga, Plava e Gucia e deri në gjirin e Bjeshkëve të Namuna.
Ilir Meta, asnjëherë nuk bën lëvizje boshe, pasi në këtë tur të stërgjatur në Alpet e Shqipërisë, nga Shkodra në Rugovë ai është njohur me këtë zonë dhe nuk përjashtohet mundësia që t’ia ketë vënë syrin për ta bërë ndonjë pikë turistike të tijën.
I punon mendja për biznes Ilirit, por dhe Monikës.
Por njëherësh ndoshta ka kaluar dhe mërzinë e mbylljes nga ana e Ramës e bizneseve të tij të mermerit dhe të guroreve teksa qeveria shpalli Park Turistik Malin e Tomorrit, ku ishin instaluar këto biznese.
Por teksa pamë në profilin e tij një foto me bluzë me vija burgu, mendojmë se e kemi gjetur arësyen se përse Ilir Meta ka mbi një muaj e ca që ka mbetur në malet e Veriut të vendit, sidomos në zonën e Mbishkodrës.
Ilir Meta me sa duket me këtë kostum burgu po bën “provën gjenerale” me shpresë të zotit për të qënë ndër banorët e parë të burgut të ri të Reçit në Shkodër, i ndërtuar me financim të BE dhe të qeverisë shqiptare.
Ndaj po kryen lëvizje ka një muaj andej rreth zonës së burgut të ri, ndoshta dhe për t’u mësuar me klimën e Reçit dhe për ta përballuar më me sukses jetën në qeli në këtë zonë./Pamfleti
