Lëvizja Socialiste për Integrim është një nga partitë më të akuzuara për korrupsion, kjo edhe për faktin se ka qeverisur për 8 vite rreshta me dy parti të ndryshme në koalicion. Ndaj saj ka pasur akuza se, ka lobuar me para të padeklaruara, por deri tani prokurori nuk ka ndërmarrë asnjë hetim.
Banda e hajdutëve të Metës dhe Monikës hodhën paratë e korrupsionit për fushatë, por nuk i deklaruan në ILDKPKI nga frika e burgut, vetë Monika dhe Meta u kapën nga KQZ duke lobuar me para korrupsioni, prokuroria hesht, deri tani asnjë i arrestuar, ja pse Monika kërcënon Arta Markun që të ketë kujdes
Lëvizja Socialiste për Integrim, banda më e madhe dhe e organizuar e korrupsionit në Evropë, është përfshirë vitin e kaluar në një operacion masiv, duke pastruar paratë e pista, të përfituara përmes korrupsionit me tendera, ryshfetit, lejeve, licencave dhe plaçkitjes së pasurive publike, gjatë qeverisjes 8-vjeçare, katër vite me Sali Berishën dhe katër të tjera me Edi Ramën. Në krye të pastrimit të parave qëndrojnë si gjithnjë dy pronarët e LSI, Ilir Meta dhe Monika Kryemadhi, të certifikuar nga Perëndimi si dy kokat më të mëdha të krimit dhe korrupsionit në Ballkan, ndërsa janë përfshirë anëtarët kryesorë të bandës, si ish-ministra, ish-drejtorë, deputetë, këshilltarë, kryebashkiakë dhe sekserë të LSI.
Anëtarët e bandës së Ilir Metës dhe Monikës kanë hedhur një pjesë të parave të korrupsionit për fushatën në zgjedhjet parlamentare të 2017, me qëllim për të siguruar një numër sa më të madh mandatesh, për të qëndruar sërish në pushtet, për të vijuar vjedhjen. Një pjesë të parave i kanë deklaruar në Komisionin Qendror të Zgjedhjeve, por nuk i kanë deklaruar pranë Inspektoriatit të Lartë të Deklarimit dhe Kontrollit të Pasurive, për shkak se paratë janë të paligjshme, produkt i aferave korruptive. Me këtë veprim kanë konsumuar disa vepra penale, që nga mashtrimi me deklarimin e pasurisë, deklarim i rremë, pastrim parash etj.
Pjesën më të madhe të parave të pista, të planifikuara për fushatë, anëtarët e bandës, pra ish-ministra, ish-drejtorë dhe deputetë, ia kanë dorëzuar Monikës. Kjo e fundit, bashkë me Ilir Metën, kanë kaluar nëpër duar thasë me parë korrupsioni, për të blerë vota, organizuar mitingje, për lobime, etj. Kjo është vërtetuar nga Komisioni Qendror i Zgjedhjeve, përmes raportit të shpenzimeve të parive për zgjedhjet parlamentare të 2017. Sipas KQZ, pjesa më e madhe e shpenzimeve të LSI janë bërë me para të paligjshme. Dhe këtu bëhet fjalë vetëm për shpenzimet e deklaruara, pasi paratë e hedhur për blerjen e votave, sigurisht që nuk deklarohen.
Krahas veprimit të bandës, duke blerë vota me para korrupsioni, vetë Ilir Meta dhe Monika Kryemadhi janë kapur nga Komisioni Qendror i Zgjedhjeve duke lobuar jashtë vendit me para korrupsioni. Raporti është zyrtar, por prokuroria nuk vepron, pasi prokuroria nuk zbaton Kushtetutën dhe nuk mbron interesin e shqiptarëve, pasi është një vegël qorre e politikës. Nëse do të kishim një prokurori të pavarur, me raportin që ka përgatitur KQZ, Ilir Meta dhe Monika Kryemadhi do të ishin arrestuar menjëherë. Në raport, KQZ e thotë qartë se “LSI ka deklaruar në raportin financiar shërbime konsulte me kompaninë MCKEON GROUP, në vlerën 1 9942 500, për të cilën nuk e justifikon me dokumentacion financiar sipas legjislacionit tatimor”.
Kjo është një tjetër arsye se pse Monika Kryemadhi hoqi çizmen në parlament kur u shkarkua derdimeni i Ilir Metës në krye të Prokurorisë së Përgjithshme, Adriatik Llalla, për t’u zëvendësuar me Arta Markun. Kjo është një tjetër arsye se pse Monika Kryemadhi e kërcënon herë pas here Arta Markun që të ketë kujdes, mos t’i hapë letrat e saj të korrupsionit. Dhe nuk duhet harruar se pastrimi i parave të korrupsionit në fushatë është vetëm një pikë në oqeanin e korrupsionit të Monika Kryemadhit dhe Ilir Metës./Pamfleti
