Rama-Meta, betejë me bizneset e njeri-tjetrit, i “kuqi” e vonon me dekrete, “mavia” ia mbyll me urdhra
Dy “ujqërit” e pushtetit, që tashmë janë ndarë për “thela”, konkretisht Edi Rama duke mbajtur “territorirn” (qeverinë) e duke “gjuajtur” vetëm, ndërsa “i tredhuri” Ilir Meta, i struktur në strofullën e tij, nga po hakërrehet për të mbrojtur bizneset që ka ende në aktivitet, por dhe ato 5-6 copa “territore” (bashki) që i kanë mbetur, pas përzënies nga pushteti.
Mes tyre, ka mëse 2 vit qysh kur ishin bashkë në një “çanak”, që zhvillohet beteja për të shkatërruar njeri-tjetrin, por deri në tetor 2015 në heshtje, ndërsa tani po bëhet hapur. Edi po lufton duke përdorur pushtetin, ndërsa Iliri duke përdorur gruan si opozitare.
Nga këtë betejë, Ilir Meta po lufton, duke përdorur fuqinë e dekreteve, për t’i shtyrë ligjet qeverisë, ndërsa Edi Rama po lufton, duke urdhëruar ministrat, që t’i bllokojnë bizneset bosit të LSI.
Deri tani, Ilir Meta e ka bllokuar 3 herë Edi Ramën, 1 herë me votat në parlament për Shkollën e Magjistraturës dhe 2 herë, me mos dekretim e kthim në parlament, të ligjit për Teatrin dhe ligjit, mbi tatimin e fitimit në Lojrat e Fatit, duke i shtyrë biznesin e bixhozit e të kullave tek Teatri.
Ndërsa Edi Rama, deri tani i ka bllokuar Ilir Metës 13 gurore në malet e Skraparit, 4 linja inertesh (zhavorri e rere) përgjatë lumit “Osum”, 7 biznese shfrytëzim pylli për dru zjarri me nga 50-100 hektarë sipërfaqe në Berat, Skrapar e Bulqizë, duke i nxjerr jashtë loje, në emër të “rilindjes” së mjedisit me pyllëzim, të zhdukur nga guroret e Likes.
Sipas informacioneve, që vijnë nga matanë kufirit, nga ata që kanë në dorë “pastrimin” e Shqipërisë nga “plehrat” e derisotme politike, kjo betejë do të vazhdoj me sekuestro e pranga nga lartë poshtë, proces që bashkojë në një “kamping”, gjithë plaçkitësit, varfëruesit dhe shkatërruesit e këtij vendi…/Pamfleti
