Risia është se ky komision mblidhet për herë të parë sipas urdhrit të kryetarit të tanishëm të Qarkut Vlorë z. Moçka . Të pranishëm në mbledhje ishin anëtarët e KMT –së sipas VKQ ,Prefekti i Qarkut Vlorë, Drejtori i Policisë së Qarkut Vlorë , kryetarët e bashkive Himarë, Delvinë, Finiq, Konispol, Drejtori i Bordit të kullimit , Drejtori i Baseneve , Drejtoresha e QTTB-së , DAMT Qarkut Vlorë , ZAMT Delvinë, ZAMT Sarandë , Shërbimi pyjor Finiq, përfaqësues nga drejtoria e bujqësisë qarku Vlorë , Drejtori i ARM-së.
Sekretarja e komisionit të KMT-së, dhe drejtoresha e DAMT-së raportoi mbi situatën aktuale të tokës bujqësore dhe punës së kryer në bazë të evidentimit të raportimeve nga shatë bashkitë e qarkut Vlorë.
Kryetari i Qarkut theksoi se kjo mbledhje është shumë e rëndësishme dhe mblidhet për rehabilitimin , evidentimin e tokës bujqësore dhe faktorët natyror dhe njerëzor që ndikojnë në funksionin e saj.
Së pari u diskutua mbi evidentimet e 40% të taksës së tokës bujqësore e cila deri tani nuk është raportuar në bazë të projekteve që ka hartuar secila bashki, planifikim ky i cili bëhet në buxhetin vjetor.
Së dyti duhet ngritur një komision me specialist të fushës për të evidentuar devijimet e shtretërve të lumenjve . Arsye tjetër është se here pas here këto toka bujqësore rrëmbehen nga lumenjtë duke e nxjerrë tokën jashtë funksionit të saj.
Pika tjetër e diskutimit ishte Bordi i kullimit pasi është detyrë parësore e tyre pastrimi i kanaleve të para , të cilat janë në administrimin e shtetit dhe ky është funksioni kryesor .
Një pikë e fortë e diskutimit nga anëtarët e komisionit , kryesisht nga kryetarët bashkive të cilët kërkonin nga bordi i kullimit i cili nuk ishte present në territorin e qarkut Vlorë të cilin e kanë në juridiksion.
Të gjitha rekomandimet do të paraqiten dhe diskutohen si projektvendime në mbledhjen e Këshillit të Qarkut Vlorë./realrtv
