Këshilli Bashkiak i Tiranës ka diskutuar sot çështjen e projektit të Teatrit të ri Kombëtarë, ndërsa këshilltarët e opozitës janë larguar.
Në fillim të mbledhjes, kreu i grupit të këshilltarëve të PD, Kreshnik Çollaku, akuzoi socialistët se po uzurpojnë pronën. “Do mbaheni mend si njerëzit që i shembët teatrin qytetit”, shtoi ai.
Kryetari i Bashkisë, Erion Veliaj u shpreh se kjo është një mundësi e mirë për Tiranën, por që opozita vazhdon të humbë mundësinë për Teatrin.
“Kur PD kishte mundësinë që të punonte për Tiranën, zaptoi SHQUP-in me VKM”, tha Veliaj.
Ndërkohë që Veliaj gjatë fjalës së tij u shpreh se opozita vjen në mbledhje vetëm për të marrë lekët, pagën si këshilltarë, ndërsa i sfidoi duke thënë se vitin tjetër për zgjedhjet lokale në garë për bashkinë le të dalë kush të dojë nga opozita, por nuk kanë se çfarë të thonë, pasi kur kishin drejtimin e qytetit nuk bënë asgjë.
“Po hyjmë në një fazë destruktive para zgjedhjeve. Më thoni çfarë pune bëni që të bëj. Vini vetëm për të marrë lekët. S’bëni asnjë punë. Mirë mo ndiqeni të gjithë Lulin, por e dini të gjithë se ku do përfundojë kjo histori. Të vijë kush të dojë, Dashi, Jorida, Pollo, Paloka, Luli, Shkelzeni. Pyetja është ca do thonë mo vlla se kur e kishin 4 vjet fjetën gjumë tani do jenë superaktive, edhe ai 10 % i Tiranes do thotë shume mirë që do dilni kundër lalit, por ca keni bërë këto 4 vjet, se fjetët gjumë edhe në opozitë, ca pune doni, ca ka një pemë që ju do mbillni? Asnjë pemë s’ka mbjellë një parti në opozitë. Në këtë seancë ndihem keq për ta. Mos u habisni po të fillojnë prape çadrat, gjërat se do jemi në prag zgjedhjesh mos u habisni po të jemi në një situatë destruktive”, u shpreh ai.
“Jam i vendosur që të ecim përpara me Teatrin. Sapo më kanë informuar që të gjithë artistët kanë firmosur një peticion. Luli një kalama i papjekur. Arkitekti që qyteti i New York i ka besuar të gjithë parqet, komisariatin e Policisë të New Yorkut. Si mund të jetë kaq kalama kryetari i PD-së, që thotë ‘non grata’ për arkitektin e Teatrit të Ri”, tha Veliaj. /atsh
