Merrni miell nga gruri dhe elbi i egër, përzijeni me pluhurin e rrënjëve të bimëve, shtojini ujë dhe pastaj piqeni.Sipas shkencëtarëve, kjo është receta për bukën më të vjetër në botë, që daton më shumë se 14.000 vjet.
Buka e pjekur ishte e sheshtë, jo e fryrë me maja dhe kishte pak shijen e bukës së sotme.Bukë ka qenë prej kohësh pjesë e dietës sonë kryesore. Por pak dihet për origjinën e bërjes së bukës.
Deri tani, dëshmia më e vjetër e bukës erdhi nga Turqia 9,000 vjet më parë. Gjetja e fundit, nga një vend arkeologjik në Shkretëtirën e Zezë në Jordani, shtyn përsëri provën e parë për bërjen e bukës për më shumë se 5.000 vjet.
Shkencëtarët zbuluan dy ndërtesa, secila prej të cilave përmbante një oxhak të madh rrethor me gurë, brenda së cilës u gjetën thërrimet e bukës. Analizuar në mikroskop, mostrat e bukës treguan shenja të bluarjes, sitjes dhe përzierjes.
Dr Amaia Arranz-Otaegui i Universitetit të Kopenhagës, e cila zbuloi thërrimet e bukës, tha se kjo ishte gjëja e fundit që ata prisnin të gjenin në vend. “Buka është një lidhje e fuqishme midis kulturave tona të së kaluarës dhe ushqimit të tanishëm,”-tha ajo. “Kjo na lidh me paraardhësit tanë prehistorikë.”
Buka është bërë në disa faza, duke përfshirë bluarjen e drithërave ose zhardhokëve, përzierjen e miellit me ujë për të bërë brumin dhe pjekjen e brumit në hirin e nxehtë të oxhakut ose në një gurë të nxehtë të sheshtë./atsh
