Kur zgjohemi
Nga Laureta Petoshati
Është një dukje e drejtpërdrejtë
s’ka asgjë të përciptë
pamja e zgjimit në mëngjes
i lëkund gjithë madhështitë
Pamje e mëngjesit sa jetësore
aq njerëzore,
me flokët pakrehur gjysmë zgjuar
filxhani i kafesë, gazeta në duar…
Një kopsë ngatërruar
ashtu, pa kuptuar
mbërthyer më lart,
ca grimca kafeje mbi sobë rrëzuar
ca pika mbi pjatë.
Gjithçka si për fat.
Është një dukje e drejtpërdrejtë,
pamja jonë më e sinqertë.
©Vlorë më 13 korrik 2018
