Masat për sezonin turistik në Vlorë,rritje të masave dhe sigurisë për evitimin e problematikave gjatë periudhës së sezonit.
Të bllokuara dhe rreth 30 mjete taksi,të paliçensuara,për të cilat do të vijohet deri në sekuestrimin e mjeteve pas paralajmërimit të parë. Kreu i Policisë Rrugore në Drejtorinë e Policisë së Qarkut Vlorë, Naun Doko ka konfirmuar se qëllimi kryesor mbetet evitimi dhe goditja e të gjitha rasteve problematike gjatë sezonit turistik.
Doko ka konfirmuar edhe bllokimin e rreth 30 mjeteve taksi pirate,pas protestës së taksive të liçensuara në Vlorë,ardhur pas dhunës së ushtruar ndaj një prej drejtuesve të taksive në Vlorë.
Problematikat gjatë sezonit janë evidente kryesisht në sigurinë në rrugë,ndërsa deri në fund të sezonit po punohet me shtim personeli dhe rritje masash, ndërsa në fokus është edhe lufta ndaj taksive pirate gjatë kësaj periudhe.
