[sgmb id=”1″]
Një tjetër kandidat për deputet në Partinë Demokratike është tërhequr nga gara këtë të dielë.
Pas largimit të Blendi Himçit, kandidat në qarkun e Elbasanit, dhe Sazan Gurit, i kandiduar në qarkun e Beratit, tashmë një tjetër i djathtë ka vendosur të tërhiqet nga gara nën siglën e PD-së.
Bëhet fjalë për një figurë të njohur për demokratët e shkodrës, kryetarin e degës Ramiz Çobajn.
Çobaj ka vendosur që të paraqisë dorëheqjen e parevokueshme nga lista e kandidatëve të PD në qarkun e Shkodrës. I renditur i fundit në listë, Çobaj është ndier i fyer nga ky vendim i Bashës duke argumentuar se para tij janë vendosur emra nga partitë aleate dhe disa të tjerë që nuk kanë dhënë asnjë lloj kontributi për PD-në apo Shkodrën.
Kujtojmë këtu se në Qarkun e Shkodrës do të dalin 8 deputetë dhe është mjaft e vështirë që PD t’I marrë të gjitha postet, çka do të thotë se shanset që Ramiz Çobaj të dilte deputet do të ishin shumë të pakta.
