Kane mberritur dje ne Aeroportin Nene Tereza tre femijet e shkodranes Çile Precetaj e cila u deportua nga Shtetet e Bashkuara të Amerikës dy muaj më parë.
Por tre femijët amerikanë vendosën t’i thonë lamtumirë të atit duke zgjedhur të jetojnë pranë nënës. Emocionet e saj duken të mëdha ndërsa i pret të zbresin nga avioni.
Dy muaj më parë, fëmijët u njoftuan nga nëna e tyre ditën e deportimit, kur ajo priste avionin në një aeroport të Gjermanisë, e shoqëruar nga dy punonjës të zyrës së emigracionit.
Faqet e para të mediave prestigjoze ndërkombëtare shkruan për rastin e nënës së ndarë nga fëmijët e saj, duke e përshkruar si një grua pa rekorde kriminale që nuk përbënte rrezik për askënd, një emigrante që prej 18 vjetësh kërkonte me ngulm të bëhej shtetase amerikane por që në fund nuk ia doli.
