Kryebashkiaku i natës, Briken Fejzullai, ka reaguar ne pergjigje te atyre qe bejne me faj pronarin e diskos ku ndodhi tmerri ne Dhermi te dielen ne mengjes. Ngjarja pati një sërë reagimesh, ku më shumë akuzonin biznesin, që nuk ka siguri.
Fejzullai shprehet se problemi nuk është te lokali, pasi ‘Havana’ ka meritën e ngritjes së vlerave turistike në Dhërmi. Por sipas tij problemi kryesor është shteti që nuk u siguron jetën qytetarëve.
Reagimi i plotë:
Havana ka bërë histori! Dy djem të rinj që u kthyen nga mërgimi për të investuar në tokën e tyre, ndërkohë që aty kishte vetëm gura dhe det, deri të bërit Dhërmiun, vendin më të frekuentuar në Shqipëri.
Ishte vendi që theu çdo tabu. I vetmi vend në jug që nuk kishte asgjë më pak, se një beach bar perëndimor. Falë Havanës, është zhvilluar një fshat i tërë duke ofruar shërbime hotelerie dhe restoracioni, nga ku më pas mori përmasa gjigande duke kaluar në Drimadhes, Jalë e kudo në Jug. NUK KA ÇUN A GOC’ TIRONE, QË S’KA SHKEL I HER’ TE HAVANA. Ajo që ndodhi aty, mund të ndodhte kudo në këtë vend, kujtdo prej nesh, ndaj mos na hapni barkun të godisni një biznes të bërë me mund dhe me djersë prej 17 vitesh, por merruni me thelbin.
Këtu, shteti ka shkuar për lesh, sepse nuk është i aftë të garantojë sigurinë e qytetarëve të tij. Kaq e thjeshtë!
