Igballe Cakaj, zyrtarja e lartë shqiptare e cila u kap duke vjedhur në Bruksel është pushuar nga puna. Ajo kishte shkuar për një vizitë zyrtare në selinë europiane dhe teksa hyri në një qendër tregtare për të lerë rroba, disa prej tyre i pagoi ndërsa disa të tjera i futi në çantë.
Cakaj në Bruksel shoqërohej edhe nga ministri Shyqyri Bytyqi. Gjatë momentit që po fuste rrobat në çantë ajo është filmuar nga kamerat e sigurisë, por rojet kanë pritur sa ajo të dilte nga dyqani. Sigurimi më pas kishte ftuar Policinë e cila e kishte intervistuar zyrtaren e MASHT-it, ku më pas është liruar dhe iu ribashkua delegacionit.
Për më tepër, delegacioni mësohet të ishte alarmuar dhe kishte filluar ta kërkojë atë, pasi nuk kishin pasur informacione për një kohë se ku ndodhej ajo.
Për këtë zyrtare ka raportuar KTV-ja, e cila ka shkruar se e njëjta është ndalur edhe nga policia belge.
