Simptomat e kancerit të mushkërive mund të jenë të vështira për t’u vërejtur në fazat e hershme. Por shenjat e njohura të këtij kanceri përfshijnë kollitjen dhe dhimbjen në gjoks.
Megjithatë, përveç këtyre dyjave, ekspertët bëjnë thirrje që asnjëherë të mos e injoroni edhe humbjen e pashpjegueshme të peshës, pasi kjo është një nga simptomat kryesore.
Kanceri i mushkërive është një nga llojet më të zakonshme të kancerit në botë, ndërkohë kryesisht i prek njerëzit mbi 40 vjet.
Përveç humbjes së pashpjegueshme të peshës dhe kollës së vazhdueshme, ekspertët shëndetësorë tregojnë se simptomat e kancerit në mushkëri përfshijnë edhe kollën me gjak, problemet me frymëmarrje dhe dhimbjet në gjoks.
Në fakt, nëse rregullisht keni infeksione në gjoks dhe ndiheni të lodhur, ju jeni më të rrezikuar nga ky lloj i kancerit.
Doktorët thonë se nëse keni pasur ndonjë nga simptomat e lartcekura për më gjatë se tri javë, urgjentisht duhet të konsultoheni me doktorin.
Vlen të përmendet se vetëm në Mbretërinë e Bashkuar diagnostikohen 44,500 njerëz me kancer në mushkëri brenda vitit.
