Çokollata e zezë me përqëndrime të larta të kakaos mund të ketë efekte pozitive në nivelet e stresit, inflamacionit, humorit, kujtesës dhe imunitetit, sipas studimeve të reja.
Studimi i publikuar në takimin vjetor të Experimental Biology 2018 në San Diego tregon se çokollata me një minimum prej 70% kakao mund të ndihmojë në shëndetin njohës, endokrin dhe kardiovaskular.
Lee Berk, studiuesi kryesor dhe dekan i asociuar i i punëve kërkimore në Universitetin Loma Linda në School of Allied Health Professions, tha se personave që morin pjesë në studim iu dha 48 gramë çokollatë e zezë në fillim të eksperimentit dhe pastaj hëngrën çokollarë çdo dy orë pasi zgjoheshin nga gjumi për disa ditë.
Testet e gjakut zbuluan se çokollata ndikoi në aktivitetin e gjeneve, rritjen e anti-inflamatorëve dhe rritja e qelizave që luftojnë infeksionin, tha Berk.
Hulumtime të mëtejshme nga ekipi i Berkut shqyrtuan se si aktiviteti i trurit reagoi ndaj konsumit të çokollatës së zezë, ku arrit në përfundimin se ndikon pozitivisht në funksionin e trurit, siç është funksioni njohës dhe kreativiteti, edhe dy orë pas ngrënies së saj.
Berk tha se hapi i ardhshëm i ekipit të tij është të hulumtojë se sa çokollatë e zezë duhet të konsumoni që të ketë efekt në funksionin e trurit.
