Sali Berisha me sa duket ka “dorën e rëndë” pasi të gjithë ata me të cilët ka bashkëpunuar për të realizuar të gjithë krimet dhe punët e pista kanë pasur një fat të keq. Pjesa më e madhe e tyre nuk jeton më dhe janë ndarë nga kjo botë ose nga ndonjë sëmundje e ngadaltë ose nga ndonjë sëmundje e papritur, për të zhytyr në mister gjithçka që ka pasur lidhje me ta dhe kupolën qeverisëse të vendit.
Të përdorurit prej tij në krimet monstruoze që ka bërë në Shqipëri në kurriz të shqiptarëve për vite e vite me radhë janë përballur me humbje jete dhe shkatërrim familjar. Nuk mund të harrohet përdorimi që i bëri ish kreut të SHIK Bashkim Gazidede, nga përgjimi, survejimi dhe shkatërrimi i opozitës së atëhershme e deri tek zhdukja e veprimtarit shqiptaro-maqedonas Remzi Hoxha, varri i të cilit nuk është gjetur as sot e kësaj dite.
Sapo Remzi Hoxha rrezikoi dekonspirimin e ish Presidentit Sali Berisha si shërbëtor besnik i serbëve dhe Milosheviçit në atë kohë, thuhet se ka pasur dhe një filmim për takimet e Berishës me Milosheviçin dhe Gligorovin në Shën Naum apo me Arkanin në Shkodër dhe Tetovë, Berisha urdhëroi Gazideden që të zhduket Remzi Hoxha autori i filmimit të takimeve.
Një skenar mafioz që solli dhe pastrimin e tërë skenës, përfshirë dhe realizuesit. Ku njëri nga ish shefat e SHIK-ut Avni Koldashi është në çmendine, tjetri Ilir Kumbaro është në arrati në Britani dhe mbrohet nga njerëz të Berishës, Arben Sefgjini është në Shqipëri, por nën monitorim të rreptë nga ana e njerëzve të Berishës.
Ndërsa shefi i tyre Bashkim Gazidede është shuar dalëngadalë pas azilit në Turqi dhe ftesës për “kthim” në Shqipëri më 2005 ku menjëherë pas emërimit nëndrejtor i Hipotekave, shëndeti i tij mori tatëpjetën dhe tashmë prehet në banesën e fundit.
Pasi me sa duket dinte shumë, që nga survejimi i opozitës dhe njerëzve kundërshtarë ndaj Berishës, involvimit të shërbimit sekret serb tek Berisha, priramidat mashtruese financiare e deri në shkatërrimin e shtetit më 3 ditë në mars 1997.
Por Berisha nuk është ndalur këtu, në shkatërrimin e të gjithë njerëzve që i kishin shërbyer dhe që dinim shumë për të. Për të vijuar më pas me Azem Hajdarin, Pjetër Arbnorin, i cili pavarësisht se i shpëtoi vdekjes në vitin 2000 kur e përdorën si në kohën para mesjetës si “dash” për të hapur derën e kryeministrisë, gjeti vdekjen në një spital në Itali pa qënë sëmurë. Për të mos përmendur më pas ish truprojën e tij Izet Haxhia, të cilin e përdori për grushtin e dështuar të shtetit më 14 shtator pas vrasjes së Azem Hajdarit, njëherësh i bëri puçin për ta eleminuar ose futur në burg duke e akuzuar si vrasës të liderit të dhjetorit.
Falë informacioneve dhe shkathtësisë së tij, e ka pranuar vetë Izeti, ish truproja e Berishës mundi të largohej jashtë vendit dhe të kërkonte strehim politik në Turqi, duke shpëtuar jetën e tij. Tashmë është në Shqipëri dhe pritet të rrëfejë të gjitha krimet e Berishës, madje ka kërkuar dhe ballafaqim sy për sy me ish presidentin dhe ish kryeministrin Sali Berisha.
Ndërkohë që fati i Luan Hoxhës ish shefit të shtabit të përgjithshëm të ushtrisë shqiptare dihet tashmë, pasi kërcënimi i Sali dhe Shkëlzen Berishës për të mos folur për Gërdecin bëri që ai të largohej dhe të kërkonte azil politik në SHBA.
Humbi atdheun, por fitoi jetën gjeneral Luan Hoxha, dhe për këtë i është mirënjohës ambasadës së SHBA dhe “këmbëve të lehta” për të ikur sa më shpejt nga vendi. Pasi Kosta Trebicka vetëm pak dinte dhe e “dërguan” për “gjueti” në Korçë për t’u kthyer i vdekur në mënyrë misterioze në shtëpi. Dhe po në mënyrë misterioze dhe familja e tij dhe të afërmit kanë mbyllur gojën dhe as guxojnë të përmendin vdekjen e tij.
Vijojnë biznesin me Odeta Nishanin, gruan e ish ministrit të Brendshëm dhe ish Presidentit Bujar Nishani. Për të ardhur tek ngjarja e 21 janarit të vitit 2011, ku me urdhër të Berishës u vranë nga Garda e Republikës katër demonstrues të pafajshëm të opozitës së atëhershme të udhëhequr nga Edi Rama, mu në mes të Bulevardit përballë kryeministrisë.
Askush nuk e heq nga vëmendja atë kohë, por nuk harron as syrin e nxirë të ish kreut të Gardës së Republikës Ndrea Prendi, nxirje që i erdhi në rrethana misterioze nga brenda godinës së Kryeministrisë ku gjendeshin Berisha dhe Basha brenda. Dhe shoqëruesit e tyre kuptohet. Pasi mori një dënim qesharak, Ndrea Prendi dhe gardisi Agim Llupo janë zhdukur nga qarkullimi. Prendi mësohet se është jashtë vendit, ndërkohë që Llupo herë pas herë rikthehet në Shqipëri./Pamfleti
