“Mozarti” i futbollit, Luca Modric, dërgon në shtëpi Argjentinën dhe kualifikon Kroacinë e tij në fazën tjetër pas golit të shënuar në minutën e 80-të. Lojtari i Real Madrid-it merr një top mjaft të mirë jashtë zonës, i pangacmuar nga askush luan me topin në këmbë, krijon hapësirën dhe lëshon goditjen e tij plot helm.
Portieri Kabajero hidhet me vonesë dhe arrin vetëm ta prekë. Fjalët e trajneri Jose Mourinho se do të ishte njësoj si të ishte ai në portë në vend të Kabajeros marrin kuptim. Ekipi amerikano-latin i thotë “Adios” botërorit, ballkanasit ëndërrojnë me një ekip fantastik.
Kanë mbetur vetëm pak minuta loje. Një dështim total i Argjentinës dhe Messit!
