[sgmb id=”1″]
Një sherr banal për motive të dobëta ka përfunduar me një viktimë dhe dy të plagosur në fshatin Rrushlull të Durrësit.
Dy persona kanë shkuar ne spitalin rajonal të Durrësit të plagosur me thikë, Y.SH rreth 60 vjec dhe E.Xh rreth 50 vjeç.
Me mbërritjen e policisë, është mësuar se më herët dy personat janë konfliktuar në fshat me një person të tretë me inicialet L.Q, rreth 40 vjeç.
Policia zbuloi më tej se L.Q kishte ndërruar jetë nga goditjet me thikë gjatë konfliktit me dy burrat e tjerë, tashmë në spital.
Sipas të dhënave të para nga policia e Durrësit, tre personat që janë konfliktuar, viktima dhe dy të plagosurit janë roje të një rezervati në Rrashbull.
“Konflikti ka qenë i çastit dhe ka ndodhur për motive të dobëta, ku shtetasit e mësipërm janë goditur me mjet prerës (thikë) me njëri-tjetrin. Grupi hetimor po punon për zbardhjen e plotë të ngjarjes”, thotë Policia në një njoftim paraprak.
