Ka notuar 141 minuta pa ndalesë, në prill 2009 ka ngjitur 1500 shkallë në Murin e Madh Kinez
Zëdhënësi i familjes “Berisha” Flamur Noka, njëherazi dhe shef i departamentit të “edukimit fizik dhe kalitjes sportive” në PD, ka bërë publik nga selia e SHQUP, lajmin sportiv se “nderi” i kësaj partie Sali Berisha, ka deklaruar dorëheqjen nga gara e notit për vitin 2018, të cilën prej vitesh e bënte vetëm me… veten e tij, por ngaqë nuk di not, bodigardët i qëndronin nga poshtë nën ujë, për ta mbajtur mbi ujë deri, për aq minuta sa Fevziu të xhirronte kronikën duke notuar!
Në deklaratën e Mulit, nuk jepet asnjë shpjegim, se përse rekordmeni i notit Sali Berisha nuk do ta zhvilloj garën e notit këtë vit, por zëra nga kryesia e PD, kanë dëgjuar se ky vendim është marrë direkt nga Luli, mbasi sipas përgjimerve të Babales, thuhet se në zonën e Dhërmi—Drimallë rek resorti i Samir Manes detin Jon, ku zhvillon garën e notit Saliu është zbuluar një tufë peshkaqenësh. Sipas librit të rekordeve në PD, rezulton se në garën e fundit, Saliu ka notuar 141 minuta pa dalë në tokë, ose 107 minuta më tepër se qeni më i aftë, që noton 34 minuta pa ndalesë!
Pyetjes së porositir nga PD dhe të bërë nga një gazetare e pavarur e “RD”, lidhur me të porjektet e rekordmenit Bersisha në fushën e sporteve, Muli iu përgjigj se pas lënies së notit, Berisha do të ushtroj ngjitje-zbritjet sportive në male. Edhe për këtë lloj sporti Berisha ka rekord botëror, mbasi është i vetmi politikan në historinë botërore, që në datën 18 prill 2009 në moshën 65 vjeçare, ngjiti pa ndalesë 1500 shkallë në Murin e Madh Kinez, por “Komiteti Olimpik” Kinez që drejtohej nga një kripto-komunist, nuk i dha medalje, mbasi ata njihnin si rekordmen vetëm udhëheqësin e tyre Mao Ce Dun./Pamfleti
