Një fortunë e vertetë pritet të mbërrijë në mesin e verës dhe temperaturave përvëluese, në drejtorinë rajonale të Shkodres. Partia socialiste ka vendosur të veproje më dorë të hekurt përballë drejtorëve rajonal, ku të paktën 10 emra janë gati për tu zevendësuar nga posti që kanë mbajtur deri më sot, për t’iu lënë vendin emrave të rinj.
Burime nga selia rozë thonë se gjithçka pritet të nisë nga fundi i këtij muaji dhe duket se trokitja e fundit e gotave për pjesën më të madhe të drejtuesve, do të jetë festa e partisë në 12 qershor. I gjithë ky ndryshim vjen në kuadër të reformimit që PS ka vendosur të bëjë përpara një prej betejave më të rëndësishme politike që e pret në 2019-en, ajo për zgjedhjet vendore, ku edhe këtë herë Edi Rama ka vendosur që aleancën e vetme ta ketë me qytetarët.
Largimi i këtyre drejtuesve, vjen për të futur në institucione një frymë te re, pasi pjesa më e madhe e drejtorëve janë të njëjtin që mbajtën këto poste për 4 vitet e para të qeverisë Rama,raporton Shkodranews.Pakënaqësitë janë jo të pakta për shkak se baza kërkon ndryshime, por gjithashtu pretendimet janë të mëdha, aq më shumë në një kohë që pushtetin socialistët sot e kanë të vetëm, e vendet e punës për ta janë zgjeruar.
Mbetet për tu parë se kë do të kapë të parin lapsi i valës së ndryshimeve, por një gjë është e sigurtë, projektimet janë bërë dhe nga fundi i këtij muaji, do të nisë ndryshimi masiv, që pritet të japë edhe impaktin e vet tek socialistët. Drejtoritë që përfliten janë shumë, e mes tyre nuk bëjnë përjashtim Arsimi, Tatimet, AKU, Shendetesia, Inspektoriati i Mjedisit, Doganat, Bujqesia, Rruget etj.
