Universitetet private duket sikur po përjetojnë periudhën e tyre më të keqe, pasi universitetet publike po qëndrojnë në krye të listës tashmë për studentët.
Ajo që pritet të ndodhë është që këto universitete, do të ‘shuhen’ të gjitha, pritet të dalin jashtë kontrollit pasi studentët mesa duket nuk e preferojnë më një universitet privat.
Universiteti publik po i sfidon haptazi dhe me gjithë propagandën që bëjnë privatët, në vitin universitar 2017-2018, universitetet publike kanë regjistruar 18 364 studentë, ndërsa privatët 4054, pra 4.5 herë më pak.
Shifra në rënie për të gjithë universitetet private në katër vitet e fundit. Albanian University, nga 2540 studentë që regjistronte në vitin akademik 2014-2015, në vitin e fundit ka regjistruar vetëm 460 studentë, pra 5 herë më pak studentë se katër vite më parë.
Universiteti Europian i Tiranës në vitin 2013 regjistronte 1382 studentë. Në vitin 2014, 1066, pra 30% më pak. Në vitin 2017-2018, ka regjistruar 624 studentë, pra gjysmën e atyre të pesë viteve më parë.
