Ditën e sotme 25 punonjës të Shërbimit Përmbarimor Gjyqësor Shtetëror u shkarkuan nga detyra me pretendimin se nuk plotësonin performancën. Në një prononcim për News 24 dhe BalkanWeb, drejtori i Përmbarimit Piro Lutaj tha se punonjësit e Shërbimit Përmbarimor duhet të ofrojnë kapacitete dhe të plotësojnë performancën.
“Jemi të interesuar që në Shërbimin Përmbarimor Gjyqësor Shtetëror, të ofrohen kapacitete që plotësojnë performancën dhe sigurojnë besimin e qytetarëve. Kemi marrë të gjitha masat që Shërbimi Përmbarimor Shtetëror të ofrojë një tjetër standard Shërbimi për qytetaret, përmes ekzekutimit të titujve ekzekutive. Është një detyrim ligjor, por edhe një kërkesë e vazhdueshme nga qytetarët, e shprehur kjo edhe gjatë turit të llogaridhënies “Puna për Shqipërinë që duam”, tha Lutaj.
Piro Lutaj është në krye të përmbarimit prej 4 muaj ndërsa ka marrë përsipër reformimin e këtij institucioni në varësi të ministrisë së Drejtësisë.
