Gazetari Artan Hoxha në lidhje me temën e emisionit ‘Opinion’ se ‘kush po përgjon politikën’, ka prezantuar disa pajisje regjistrimi audio dhe video në formë të një çelsi BMW X5, kopsash, vidash, orash etj.
Hoxha tha se këto pajisje përgjuese janë përdorur privatisht në qarqe politike. Në Shqipëri ligjërisht përgjime bën Shërbimi Informativ Shtetëror dhe Prokuroria, por nga mënyra se si sillen politikanët dhe zyrtarët shqiptarë, tregon se ata i tremben edhe përgjimeve nga të tretët.
“Përgjimet janë bërë në mënyrë private në qarqe politike. Politika te ne përgjohet, por prapë mbeten përgjime të cunguara. Rastet që kemi ndoshta kanë qenë ekstreme dhe më shumë janë bërë përgjime për interesa. Por përgjimet duhen që të kuptojmë çfarë bën klasa jonë politike”, tha Hoxha.
