Prej disa kohësh mediat publikojnë pasuritë e deklaruara të politikanëve, të cilët në emër të varfërisë së popullit janë bërë ‘sheikë’ të vërtet. Duke ironizuar këtë fenomen akademiku Artan Fuga sqaron se:Pse i korruptuari nuk nginjet kurrë me para?
Shkruan Artan Fuga
Duhen disa shtëpi dhe mirëqenie. Duhen shtëpi dhe mirëqenie për djemtë e vajzat. Pastaj kanë ardhur niperit dhe mbesat. Ose do te vijne. Edhe ata duan disa shtepia dhe disa vetura. Se poqese nuk jane te kenaqur niperit dhe mbesat nuk jane te kenaqur kalamajte, pra edhe prindërit.
Te gjithë keta supozohet se do te jetojne nga 100 vjet sepse pse te ndahesh nga kjo jete prej pashai? Duhen parë edhe krushqit sepse dhendurët dhe nuset kane edhe ata prinder. Pastaj duhen parà për t’u ruajtur sepse një ditë pa pushtet duhen disa bodiguarda.
Por, duhet menduar se mund te duhet me ik nga ky vend dhe të gjitha investimet materiale e financiare duhen bërë edhe në një ose dy vende të tjera. Po duhen blerë votat që të jetë pushteti.
Por, paratë e fshehta duhen vendosur në sëpaku katër banka të ndryshme që të jenë thesare për cdo rast. Me shuma pothuajse të njejta. Por, duhen paguar edhe ata që merren me transaksione të fshehta. E pastaj një pjesë e parave duhet investuar duke ja u kaluar paratë njerzve kukulla.
Por, kukullat për cdo të papritur duhen shumëfishuar. Se ndonjë mund të dali jashtë dore. Po duhen paguar gazetarë, gjyqtarë, dëshmitarë, ku dreqin dihet. Edhe ndonjë kanal televiziv, ndonjë universitet, apo ndonjë gazetë. Duhen parà, shumë parà, pa fund parà!
Ja përse nuk ngopet. Sepse njeriu i zakonshëm habitet ngaqë e mat me kutin e tij nevojën për parà. Plotësoj nevojat e jetesës dhe kaq. E jo or mik, jo. I korruptuari nuk nginjet, nuk rresht, nuk thotë mjaft, nuk mund të thotë dot mjaft, ose do të vazhdojë, ose do ja marrin të gjitha.
Duhet të paguajë atëhere edhe për të përballuar vetminë, çprangosjen, gjithçka që mund të vijë. Ja si shpjegohet pyetja naive për dikë a disa : Po si nuk u ngopen xhanën? Eshtë njësoj si të pyesësh me budallallik për një fabrikant këpucësh: Po ky përse prodhon kaq shumë këpucë, miliona, çfarë i do pasi ka prodhuar për gjithë familjen nga dyqind palë për secilin, për tre breza rresht?
